ՌՀՀ Իրավունքի իսնտիտուտը և Resolve Academy հրավիրում են մասնակցելու «Թվային սահման. Իրավական և գործառնական ռիսկերի կառավարում զարգացող տեխնոլոգիաներում» թեմայով քննարկմանը, որը տեղի կունենա 2024 թվականի դեկտեմբերի 14-ին՝ ժամը 11:00-ին:

 

Այս միջոցառումը նպատակ ունի առավել մանրամասն ծանոթացնել ուսանողներին տեղեկատվական տեխնոլոգիաների իրավունքի, նորարարական տեխնոլոգիաների և ռիսկերի կառավարման ոլորտներին: Քննարկումը միավորելու է իրավաբաններին, տեխնոլոգիական ոլորտի մասնագետներին, կիբերանվտանգության փորձագետներին և ռիսկերի կառավարման մասնագետներին՝ քննարկելու տեխնոլոգիական իրավունքի զարգացող դաշտը և այն, թե ինչպես կարող են ընկերությունները արդյունավետորեն կառավարել իրավական, ֆինանսական ու գործառնական ռիսկերը թվային դարաշրջանում:

 

Միջոցառման ընթացքում քննարկվելու են հետևյալ թեմաները՝

 

Նորարարական տեխնոլոգիաների իրավական ռիսկերը. Բանախոսները կխոսեն այն իրավական ռիսկերի մասին, որոնք առաջանում են արհեստական բանականության, բլոկչեյն տեխնոլոգիայի և համացանցի (IoT) կիրառման ընթացքում: Ինչպես նաև կքննարկեն ոլորտը կարգավորող խնդիրները, հնարավոր պատասխանատվությունը և այն, ինչ պետք է հաշվի առնեն ընկերությունները, երբ առնչվում են վերոնշյալ տեխնոլոգիաների հետ:

 

Կիբեռանվտանգություն և տվյալների պաշտպանության ռիսկերի կառավարում. Բանախոսները կներկայացնեն կիբեռանվտանգության և տվյալների պաշտպանության օրենքների (ինչպիսիք են GDPR-ը և CCPA-ն) զարգացող կարգավորիչ միջավայրը, թե ինչպես ընկերությունները կարող են իրականացնել ռիսկերի կառավարման ռազմավարություններ՝ պաշտպանելով տվյալները:

 

Բլոկչեյն և սմարտ պայմանագրեր. Կխոսենք բլոկչեյն և սմարտ պայմանագրերի հետ կապված հատուկ ռիսկերի մասին և նրա, թե ինչպես ընկերությունները կարող են կառավարել իրավական ու ֆինանսական ռիսկերը՝ կապված բլոկչեյնի հետ, այդ թվում՝ համապատասխանության, վեճերի լուծման և պայմանագրերի կատարման հետ կապված մարտահրավերները:

 

Տեխնոլոգիական էթիկա, ԱԲ և իրավական պատասխանատվություն. Այս քննարկումը կվերաբերի արհեստական բանականության էթիկական հարցերին ու իրավական պատասխանատվությանը՝ հատկապես արդարության, թափանցիկության և հաշվետվողականության համատեքստում: Քննարկվելու է նաև, թե ինչպես ընկերությունները կարող են նվազեցնել ԱԲ-ի չարաշահման ռիսկերը և արձագանքել կարգավորման աճող պահանջներին:

 

Միջոցառման բանախոսներն են՝

Հովսեփ Քոչարյան, ի. գ. թ., ՀՌՀ շրջանավարտ, «Artlex Consult s.r.o.» իրավաբանական բաժնի ղեկավար, Web3 կազմակերպության իրավաբան, Blockchain, FinTech, AML/CFT և տվյալների պաշտպանության մասնագետ, «Metaverse Bar Association» և «ACAMS» կազմակերպությունների անդամ
Մարիամ Այվազյան, Երևանի Պետական համալսարանի դասախոս

Արամ Աղաբաբյան, Քեյս Լենս ընկերության տնօրեն
Տաթև Մարտիրոսյան, փաստաբան, հաշտարար, իրավաբան փորձագետ, ԵՊՀ իրավագիտության ֆակուլտետի դասախոս, ասպիրանտ