![research](/uploads/post/banner/1634302265_1167444.jpg)
- 15 Հոկ
- 2021
ՀՌՀ-ում մեկնարկել է «Հայաստան և Ռուսաստան. նոր ռազմավարության հրամայականը» գեոքաղաքական նստաշրջանը
Միջոցառումն անցկացվում է Հայաստանի Հանրապետության և Ռուսաստանի Դաշնության միջև դիվանագիտական հարաբերությունների հաստատման 30-ամյակին ընդառաջ։
Հայ-Ռուսական համալսարանի Մշակույթի տանն այսօր մեկնարկել է «Հայաստան և Ռուսաստան. նոր ռազմավարության հրամայականը» գեոքաղաքական նստաշրջանը, որը նվիրված է Հայաստանի Հանրապետության անկախության 30-ամյակին։
![](https://rau.am/uploads/post/editor_image/246151277_2216987035121242_7194451740040468731_n_1634302390.jpg)
Նա նաև ներկայացրել է 2019թ. նոյեմբերին Հայ-Ռուսական համալսարանում Ռուսաստանի գիտությունների ակադեմիայի Պրիմակովի անվան Համաշխարհային տնտեսագիտության և միջազգային հարաբերությունների հետազոտական ինստիտուտի հետ համատեղ անցկացված «Պրիմակովյան ընթերցումներ» միջազգային գիտափորձագիտական համաժողովի (առաջին անգամ ՌԴ սահմաններից դուրս) նյութերի հիման վրա տպագրված «Հայաստանը գլոբալ համատեքստում» հավաքածուն:
Իր հերթին` ՀՀ-ում Ռուսաստանի Դաշնության արտակարգ և լիազոր դեսպան Սերգեյ Կոպիրկինը շեշտել է, որ իր համար շատ հաճելի է ներկա գտնվել նման կարևորագույն միջոցառմանը: «Այս միջոցառման թեման, անկասկած շատ կարևոր ու արդիական է և ներկայացման կարիք ունի: Համոզված եմ, որ նման պրակտիկան կշարունակի զարգանալ: Նստաշրջանի մասնակիցներին մաղթում եմ ոչ ստանդարտ գաղափարներ, ազատ բանավեճեր և այնպիսի գաղափարներ, որոնք հնարավոր կլինի գործնականում կիրառել մեր համագործակցությանը, մեր պրակտիկ փոխհարաբերություններին ոչ ստանդարտ մոտեցումներ ցուցաբերելու համար»,- ասել է նա`ընդգծելով Հայ-Ռուսական համալսարանի արտոնյալ վերաբերմունքը հայ-ռուսական հարաբերությունների հանդեպ և խիստ կարևորելով նման միջոցառումների անցկացումը:
Միջոցառումն անցկացվում է Հայաստանի Հանրապետության և Ռուսաստանի Դաշնության միջև դիվանագիտական հարաբերությունների հաստատման 30-ամյակին ընդառաջ։