Ռուս-հայկական համալսարանը մասնակցում է հանրային ծառայողների համար նախատեսված որակավորման բարձրացման (վերապատրաստման), հավելյալ մասնագիտական կրթության զարգացման պետական ծրագրին և առաջարկում է հինգ դասընթաց ամենաարդիական ուղղություններով։

 

Նշենք, որ ՀՀ-ում հանրային կառավարման բարեփոխումների շրջանակում ներդրվել է պետական կառավարման համակարգի առանձին մարմինների կատարողականի գնահատման և դրա հիման վրա խրախուսման պիլոտային կարգ: Ըստ սահմանված կարգավորումների՝ խրախուսանքի արժանացած անձին տրված պարգևավճարի որոշակի չափաքանակը նախատեսված է ուղղել կրթությանը` որակավորումը բարելավելու կամ լրացուցիչ կրթություն ստանալու համար։ 

 

Կրթության նպատակով ծախսերի իրականացման և պետական կառավարման համակարգի ղեկավար աշխատողների կարողությունների զարգացման առավել արդյունավետ կրթական ծրագրերի ընտրության հնարավորություններ ապահովելու նպատակով Ռուս-հայկական համալսարանն առաջարկում է հետևյալ առաջատար և մեծ պահանջարկ ունեցող կրթական ծրագրերը՝

 

•  Մարդկային ռեսուրսների կառավարում (HR);
•  Մեդիագրագիտություն. տեղեկատվական անվտանգություն և աշխատանքը համացանցում;
•  Նախագծերի կառավարում;
•  Պետական-մասնավոր գործընկերություն;
•  Ֆինանսական գրագիտություն։

 

Այս ծրագրերը համարվում են առաջնահերթ պետական կառավարման համակարգում ղեկավար պաշտոններ զբաղեցնող անձանց համար, քանի որ բարելավում են ճգնաժամային կառավարման և հաղորդակցման հմտությունները բոլոր մակարդակներում, բարձրացնում են տարբեր ոլորտների գործընկերների հետ փոխգործակցության որակը և ամրապնդում ֆինանսական ու բանկային հմտությունները։

 

Պետական ծառայողները կարող են մասնակցել այս 6, 8 և 16 ակադեմիական ժամից բաղկացած դասընթացներին՝ ինչպես առկա, այնպես էլ հեռավար ձևաչափերով: Ուսման վարձը, կախված դասընթացի տևողությունից, կկազմի համապատասխանաբար 70 000, 90 000 և 160 000 դրամ։

 

Համապատասխան խմբերի ձևավորման և համաձայնեցման դեպքում հնարավոր կլինի կազմակերպել դասընթացներն անմիջապես պետական մարմիններում` աշխատակիցների համար ավելի զգալի հարմարավետությունն ապահովելու նպատակով։

 

---

HR ծրագիր ՝ Արաքսյա Քատվալյան +374 12 775 775 (ներքին՝ 358)
Կառավարման ծրագրեր՝ Կարինե Հարությունյան +374 12 775 775 (ներքին՝ 360)
Մեդիա ծրագիր՝ Աննա Ստեփանյան +374 12 775 775 (ներքին՝ 354)