ԳԿԿ (Գիտակրթական կենտրոն) Թվային առողջապահություն

ԹՎԱՅԻՆ ԱՌՈՂՋԱՊԱՀՈՒԹՅԱՆ ԳԻՏԱ-ԿՐԹԱԿԱՆ ԿԵՆՏՐՈՆ

Ղեկավար` Պրոֆեսոր Գեորգի Չալտիկյան
ԹՎԱՅԻՆ ԱՌՈՂՋԱՊԱՀՈՒԹՅԱՆ մագիստրոսական ծրագիր (Master of Digital Health – MDH), Գերմանիայի Դեգենդորֆի համալսարանի հետ համատեղ
Առաջինը Հայաստանում ու տարածաշրջանում` MDH-ը նորարարական եզակի կրթական ծրագիր է, որը ձեզ հնարավորություն կընձեռի մասնագիտանալ ամենաժամանակակից և արդիական ոլլորտներից մեկում` Թվային առողջապահության ոլորտում, որը ներառում է տեղեկատվական ու հեռահաղորդակցական տեխնոլոգիաների կիրառումը բժշկության ու առողջապահության բնագավառներում: 
Մագիստրոսական այս ծրագիրը առաջարկվում է Գերմանիայի Դեգենդորֆի համալսարանի հետ համատեղ և Գերմանիայի Դեգենդորֆի տեխնոլոգիական ինստիտուտի հետ բացառիկ համագործակցությամբ, MDH-ն ապահովում է եզակի ուսուցման փորձ:

Հատկապես հարկ է նշել, որ Erasmus + ծրագիրը թույլ է տալիս երկրորդ կիսամյակն անցկացնել Գերմանիայում: Էրազմուս + կրթաթոշակը ամբողջությամբ փոխհատուցում է ծախսերը, ինչը հնարավորություն է տալիս ուսանողներին կենտրոնանալ ուսման և մշակութային փոխանակման վրա:

Ավելին, Էրազմուս + շարժունության ծրագիրը հնարավորություն է տալիս երկարաձգել ուսուցւմը Գերմանիայում նաև երրորդ կիսամյակում:

MDH ծրագրի առանձնահատկություններից մեկը ուսանողների համար Այն ավարտելուց հետո երկու դիպլոմ ստանալու հնարավորությունն է: Բացի Հայաստանում տրված դիպլոմից, ուսանողները կստանան եվրոպական հեղինակավոր դիպլոմ DIT-ի կողմից: 

Եթե ունեք բժշկական / առողջապահական գիտությւնների, կամ ՏՏ / համակարգչային  գիտությունների բակալավրի աստիճան, բաց մ՛ի թողեք այս եզակի հնարավորությունը` դառնալ թվայնացման ամենակարևոր ասպարեզի – Թվային առողջապահության – մասնագետ:

Մագիստրատուրայի կրթական ծրագրերով ընդունելության մրցույթին մասնակցելու համար դիմողները
ներկայացնում են հետևյալ փաստաթղթերը`

•  դիմում,
• անձը հաստատող փաստաթուղթ – անձնագիր կամ նույնականացման քարտ (պատճենը),
•  բարձրագույն մասնագիտական կրթության դիպլոմ և հավելված (բակալավրի,դիպլոմավորված  մասնագետի, մագիստրոսի, պատճենը),
• փաստաթուղթ զինվորական ծառայության վերաբերյալ (զինհաշվառման փաստաթուղթ կամզինվորական գրքույկ, պատճենը): Այն անձանցից, ովքեր գտնվում են զինակոչային տարիքում,փաստաթղթերն ընդունվում են այն դեպքում, եթե համապատասխան զինվորական փաստաթղթերում առկա են տարկետման իրավունքի մասին նշումներ,
•  4 գունավոր, նույնատիպ լուսանկար (3 x 4 չափսի):

Իմացեք ավելին Թվային Առողջապահության մասին: https://armdigihealth.org/leadership/
Կարդացեք ավելին թվային առողջապահության հայկական նախաձեռնության մասին https://armdigihealth.org/armenian-digital-health-initiative/