РОССИЙСКО-АРМЯНСКИЙ УНИВЕРСИТЕТ

09 Հոկ
2026

ՌՀՀ-ում քննարկեցին ֆիզիկական կուլտուրայի և սպորտի զարգացումը ԱՊՀ երկրներում

Համաժողովին մասնակցում են գիտնականներ, դասախոսներ և մասնագետներ Հայաստանից, Ռուսաստանից, Ուզբեկստանից, Բելառուսից և Տաջիկստանից։

ԱՊՀ 35-ամյակին նվիրված «Ֆիզիկական կուլտուրայի և սպորտի զարգացումը ԱՊՀ երկրներում» միջազգային համաժողովը մեկնարկել է Ռուս-Հայկական համալսարանում հոկտեմբերի 9-ին:

Բացմանը ողջույնի խոսքով հանդես են եկել ՌՀՀ ռեկտոր Էդվարդ Սանդոյանը, ՌՀՀ գիտության գծով պրոռեկտոր Պարգև Ավետիսյանը, ՌՀՀ ֆիզիկական դաստիարակության և առողջ ապրելակերպի ամբիոնի վարիչ Արմեն Գրիգորյանը, Լեսգաֆտի անվան ՆԳՀ գիտության, նորարարությունների և թվային փոխակերպման գծով պրոռեկտոր Ալեքսեյ Բարյաևը, ինչպես նաև ԵՊՀ ընդհանուր հոգեբանության ամբիոնի վարիչ Հրանտ Ավանեսյանը։

ՌՀՀ ռեկտոր Էդվարդ Սանդոյանն ընդգծել է առողջապահական համակարգի բարեփոխումների կարևորությունը՝ նշելով, որ պետական ծրագրերի շնորհիվ Հայաստանում միջին կյանքի տևողությունը 75-ից հասել է 78 տարվա։

Իր հերթին, Արմեն Գրիգորյանը շեշտել է զանգվածային սպորտի և գիտականորեն հիմնավորված մեթոդների զարգացման անհրաժեշտությունը։

Համաժողովին մասնակցում են գիտնականներ, դասախոսներ և մասնագետներ Հայաստանից, Ռուսաստանից, Ուզբեկստանից, Բելառուսից և Տաջիկստանից։ Ծրագիրն ընդգրկում է 13 ուղղություն՝ սկսած կենսաբժշկական հիմքերից մինչև կիբերսպորտ և սպորտային մենեջմենթ:

Նշենք, որ ֆորումի կազմակերպիչներն էին ՌՀՀ ֆիզիկական դաստիարակության և առողջ ապրելակերպի ամբիոնը՝ Հայաստանի Հանրապետության կրթության, գիտության, մշակույթի և սպորտի նախարարության հետ համատեղ։