Հայ-Ռուսական համալսարանը և Եվրասիական տնտեսական միության դատարանը սեպտեմբերի 13-ին կնքեցին համագործակցության համաձայնագիր։ Փաստաթուղթը ստորագրեցին ՀՌՀ ռեկտոր, ՀՀ և ՌԴ տնտեսագիտության դոկտոր, պրոֆեսոր Էդվարդ Սանդոյանը և Եվրասիական տնտեսական միության դատարանի նախագահ Ալեքսեյ Դրոնովը։

Պայմանագրի համաձայն՝ կողմերը կանցկացնեն համատեղ կոնֆերանսներ, սեմինարներ, ֆորումներ, կլոր սեղաններ, կփոխանակեն գիտական տեղեկատվություն Եվրասիական տնտեսական միության իրավունքի ոլորտում, ինչպես նաև կհրավիրեն դատավորների, պաշտոնյաների և դատարանի աշխատակիցների դասախոսություններ կարդալու և գործնական դասեր վարելու համար։

Բացի այդ, ՀՌՀ ուսանողները կկարողանան մասնակցել Դատարանի պրակտիկայի ծրագրերին: Կկազմակերպվեն համատեղ կրթական և մեթոդական միջոցառումներ՝ փորձի փոխանակման միջոցով մասնագետների պատրաստման  և այլնի համար: 

Նշենք, որ այսօր մեկնարկեց Քաղաքացիական իրավունքի միջազգային ֆորումը` նվիրված ՀՌՀ Իրավագիտության ինստիտուտի Քաղաքացիական իրավունքի և քաղաքացիական դատավարական իրավունքի ամբիոնի 20-ամյակին։