ՀՌՀ լրագրության ամբիոնի վարիչ Մարինա Ալեքյանը մայիսի 22-25-ը հանդես եկավ Սանկտ-Պետերբուրգում կայացած «Մշակույթների երկխոսություն» երիտասարդ լրագրողների XVIII միջազգային մեդիա ֆորումին: Ֆորումի ավարտին նրան շնորհվել է պատվոգիր՝ Ռուսաստանի և Հայաստանի մշակույթների երկխոսության մեջ ունեցած նշանակալի ավանդի համար։ 

 

«Մշակույթների երկխոսություն» XVIII մեդիա ֆորումը համախմբել էր երիտասարդ բլոգերներին և լրագրողներին 29 երկրներից՝ Հայաստանից մինչև Արգենտինա։ 

 

«Հազվադեպ է պատահում, որ նման խոշոր համաժողովների թեման ոչ միայն արտացոլի կազմակերպիչների ցանկությունը՝ համախմբելու ոլորտի առաջատար փորձագետներին, այլև հնարավորություն տա խոսելու արդյունքների մասին»,- նշեց Մարինա Ալեքյանը: 

 

Ֆորումը ներառում էր վավերագրական ֆիլմերի ցուցադրություն, ցուցահանդես և փառատոնի մասնակիցների նախագծերի մրցույթ:

 

Նշենք, որ միջոցառմանը ելույթ էին ունեցել նաև Ռուսաստանի Լրագրողների միության նախագահ Վլադիմիր Սոլովյովը և «Լրագրողների համագործակցության» մեդիա կոնգրեսի նախագահ Աշոտ Ջազոյանը։ 

 

 

 

Թարգմանեց՝ Արուս Մելիքյանը
("Լրագրություն", III կուրս)