«Տոտալ թելադրություն» կրթական արշավին այս տարի միացել են մասնակիցներ աշխարհի 41 երկրներից։ Հայաստանում ռուսաց լեզվի իմացությունը ստուգելու հնարավորություն է ընձեռնված եղել ապրիլի 20-ին մի քանի կետերում՝ Երևանում, Գյումրիում, Կապանում և Կարմիրգյուխում։

ՀՌՀ-ում «Տոտալ թելադրությունը» հավաքել էր ավելի քան 75 մասնակից։ Թելադրությունն ընթերցել է ՀՌՀ Հումանիտար գիտությունների ինստիտուտի ռուսաց լեզվի և մասնագիտական հաղորդակցության ամբիոնի դոցենտ, ՀՌՀ վաստակավոր պրոֆեսոր Արշակ Սարգսյանը։

Թելադրության մասնակիցներին ողջունել է Երևանի «Ռուսական տան» ռուսաց լեզվի նախագծերի և կրթական ծրագրերի բաժնի մասնագետ Սոնա Սարաջյանը. «Ողջունելի է, որ որոշել եք մասնակցել և ստուգել ձեր գրագիտությունը: Այս տարի «Տոտալ թելադրությունը» դառնում է 20 տարեկան: Այսօր ձեզ հետ միասին թելադրություն են գրում նաև աշխարհի հարյուրավոր քաղաքներում»:

Թելադրության թեման առնչվում էր օրագրերին. սա տեքստի հեղինակի՝ արձակագիր, էսսեիստ, խմբագիր և լրագրող Աննա Մատվեևայի սիրելի ժանրերից է։

 

Նշենք, որ «Տոտալ թելադրությունը» ամենամյա կրթական միջոցառում է։ Ծրագիրն իրականացվում է Հայաստանում 2015 թվականից՝ «Ռոսսոտրուդնիչեստվո»-ի աջակցությամբ։ Այս տարի միջոցառման կազմակերպիչը ՀՌՀ-ում համալսարանի Ռուսագիտության կենտրոնն էր։

 

 

Թարգմանեց՝ Թամարա Նազարյանը
(՞Լրագրություն", III կուրս)