Ռուս-Հայկական համալսարանը կազմակերպում է 2026-2027 ուսումնական տարվա ընդունելություն` ավագ դպրոցի  10-րդ դասարան ինժեներաֆիզի-կական ուղղությամբ: Նշված հատուկ ուղղվածությամբ դասարաններում դասավանդելու են Հայ-Ռուսական համալսարանի պրոֆեսորադասախոսական կազմի ներկայացուցիչներ և հմուտ ուսուցիչներ:  

Անվճար  տեղերի  քանակը` 15: 

Մրցութային հիմունքներով իրականացվող ընդունելության արդյունքներով, հատկացված անվճար տեղերի լրացման դեպքում, կիրականացվի նաև ընդունելություն վճարովի  ուսուցման  համակարգում` տարեկան 750.000 ՀՀ դրամ  վարձավճարով: 

Ընդունվելու համար հավակնորդները պետք է հանձնեն թեստային աշխատանք և բանավոր հարցում «Ֆիզիկա» և «Մաթեմատիկա» առարկաներից՝ դպրոցական ծրագրերի  շրջանակներում:

Հավասար միավորների դեպքում առաջնահերթությունը կտրվի 9-րդ դասարանի վկայականում մասնագիտական առարկաներից («Ֆիզիկա», «Մաթեմատիկա», «Ինֆորմատիկա») առավել բարձր գնահատական ունեցող դիմորդներին:

Հայ-Ռուսական համալսարանում դիմորդների համար հարցազրույցից առաջ նաև կգործի Ամառային դպրոց հունիսի 22-ից – հուլիսի 1-ը, որտեղ կդասավանդեն ՌՀՀ-ի լավագույն մասնագետները:

Աշակերտները օգտվում են ՌՀՀ նյութատեխնիկական բազայից` ի դեմս սպորտկոմպլեքսի, համակարգչային  լսարանների, գրադարանի և այլ մասնագիտական և ուսումնական լաբորատորիաների:

Դպրոցի շրջանավարտները պարտավոր են ուսումը շարունակել Հայ-Ռուսական համալսարանի Ինժեներաֆիզիկական ինստիտուտի բաժիններում: 

Դպրոցի շրջանավարտները կստանան  արտոնություններ Հայ-Ռուսական համալսարանի Ինժեներա-ֆիզիկական ինստիտուտ ընդունվելիս:
 

Դիմելու ժամկետներն են՝ 2026 թ. մայիսի 5-ից հունիսի 30-ը: 

 Անհրաժեշտ  փաստաթղթեր՝
1.    Դիմում` Հայ-Ռուսական համալսարանի ռեկտորի անունով` լրացված ըստ ձևաչափի, ստորագրված);
2.    Ծննդյան վկայականի պատճեն,
3.    Ծնողների անձնագրերի պատճեններ,
4.    Գունավոր լուսանկար 3X4 (1 օրինակ),
5.    Սոցիալական քարտի կամ նույնականացման քարտի պատճեն: 

Փաստաթղթերն անհրաժեշտ է ուղարկել [email protected] էլեկտրոնային հասցեին:  
 
Լրացուցիչ տեղեկությունների համար խնդրում ենք դիմել հետևյալ հեռախոսահամարներով 012-775-775 (435):