Ռուս-հայկական համալսարանի միջազգային և եվրոպական իրավունքի ամբիոնի վարիչ, իրավաբանական գիտությունների դոկտոր, պրոֆեսոր Վոլոդյա Օգանեսյանը, ԵԱՏՄ դատավոր, իրավաբանական գիտությունների թեկնածու, դոցենտ Արայիկ Թունյանը և ՌՀՀ Իրավունքի ինստիտուտի քաղաքացիական իրավունքի և քաղաքացիական դատավարության իրավունքի ամբիոնի դոցենտ Յուրի Հայրապետյանը մասնակցել են Եվրասիական տնտեսական միության դատարանի VII միջազգային համաժողովին` «Տասը տարի Եվրասիական տնտեսական միության պայմանագրին. ԵԱՏՄ իրավունքի միատեսակ կիրառման ապահովումը» խորագրով, որը տեղի ունեցավ նոյեմբերի 21-22-ը Մինսկում։

Կոնֆերանսը համախմբեց մասնակիցների լայն շրջանակ՝ ԵԱՏՄ անդամ պետությունների նախագահների աշխատակազմերի, Միության բարձրագույն դատարանների, Դատարան դիմելու լիազորված մարմինների, ազգային հակամենաշնորհային և մաքսային մարմինների, գիտական համայնքի ներկայացուցիչներ, ինչպես նաև իրավաբանական պրակտիկայով զբաղվող մասնագետների։

Կոնֆերանսի բացումը կատարեց ԵԱՏՄ դատարանի նախագահ Ա.Ա. Դրոնովը՝ ընդգծելով այն որպես հարթակ՝ եվրասիական իրավակարգի արդի խնդիրների քննարկման համար։ Նա ներկայացրեց դատարանի գործունեության վիճակագրական տվյալներ, անդրադարձավ իրավակիրառական նոր միտումներին, բացահայտված խնդիրներին և Միության իրավական դաշտի կատարելագործմանն ուղղված աշխատանքներին, ներառյալ դատարանի իրավասության ընդլայնումը։

Կոնֆերանսի առաջին օրը ներառում էր ընդհանուր նստաշրջան՝ Միության իրավունքի ընդհանուր հարցերին նվիրված, ինչպես նաև երկու բաժին՝ «Միության դատարանը և միջազգային արդարադատության մարմինները» և «Մաքսային կարգավորումը և Միության ներքին շուկայի զարգացումը» թեմաներով։ Պլենար նիստերին, բաժինների աշխատանքներին և քննարկումներին ակտիվ մասնակցություն ցուցաբերեցին ՌՀՀ ներկայացուցիչներ՝ Յուրի Վիտալիի Հայրապետյանը և Վոլոդյա Ամբարձումի Օհանեսյանը։

Կոնֆերանսի երկրորդ օրը՝ նոյեմբերի 22-ին, կենտրոնացած էր ԵԱՏՄ իրավունքի ազգային կիրառման պրակտիկայի հարցերի շուրջ։ Յուրի Հայրապետյանը հանդես եկավ «Մրցակցություն և համաձայնություն Միության դատարանի և ԵԱՏՄ անդամ պետությունների ազգային դատարանների համագործակցության համատեքստում» թեմայով զեկույցով։ Զեկույցում ներկայացվեցին առաջարկություններ, որոնք նպատակ ունեն ապահովել միասնական մոտեցում բոլոր բարձրագույն դատարանների կողմից և վերացնել ազգային դատարանների անկախությանն առնչվող մտավախությունները։

«Այսպիսի նշանակալի և լայնածավալ գիտական միջոցառումները, իրենց անվիճելի առավելություններից բացի, ԵԱՏՄ դատարանին հնարավորություն են տալիս կատարել իրավական կամուրջի դեր՝ նպաստելով եվրասիական իրավագիտակցության արժեքների տարածմանը և ակադեմիական ու գործնական համագործակցության ուղիների ձևավորմանը։ Ցանկանում եմ առանձնահատուկ շնորհակալություն հայտնել ՌՀՀ ռեկտոր Է.Մ. Սանդոյանին և Իրավունքի ինստիտուտի տնօրեն Մ.Ա. Կալաշյանին՝ կոնֆերանսին մասնակցելու հնարավորության համար», - նշեց Յուրի Հայրապետյանը։

Նշենք, որ համաժողովի արդյունքներով նախատեսվում է հրապարակել զեկույցների ժողովածու։