Գիտե՞ք, թե ինչպես ճիշտ պլանավորել անձնական բյուջեն, չընկնել ֆինանսական զեղծարարների թակարդն ու անվտանգ օգտվել թվային բանկինգից։ Սեպտեմբերի 8-ին՝ ժամը 14:30-ին, ՌՀՀ-ի 421-րդ լսարանում Հայաստանի բանկերի միության ներկայացուցիչները կանցկացնեն ՌՀՀ ուսանողների համար «Ֆինանսական գրագիտություն» թեմայով բաց դաս:

 

Հայաստանի բանկերի միությունը (ՀԲՄ) հանդիսանում է «WSBI Social Week 2026» միջազգային նախաձեռնության մասնակից։ Ծրագրի նպատակն է բարձրացնել երիտասարդների ֆինանսական գրագիտությունը, ձևավորել պատասխանատու ֆինանսական վարքագիծ և փոխանցել գործնական գիտելիքներ։ 

 

Կարգախոսը՝ «Միասին՝ հանուն ֆինանսապես գրագետ հասարակություն»

Քննարկվող թեմաներն են․

•    WSBI Social Week 2026-ի ներկայացում և ֆինանսական գրագիտության կարևորությունը
•    Անձնական բյուջե, խնայողություններ և ֆինանսական նպատակներ
•    Բանկային քարտերի և թվային ֆինանսական ծառայությունների անվտանգ օգտագործում
•    Ֆինանսական զեղծարարություններ․ Ճանաչել, կանխել, պաշտպանվել
•    Ֆինանսական սպառողների իրավունքներ և տեղեկացված որոշումներ։

Բաց մի՛ թողեք ոլորտի առաջատար մասնագետների հետ շփվելու, գործնական գիտելիքներ ձեռք բերելու և ձեր հարցերի պատասխանները ստանալու հնարավորությունը։

Նշենք, որ միջոցառումը կազմակերպվել է ՌՀՀ-ի Տնտեսագիտության և բիզնեսի ինստիտուտի Կառավարման և բիզնեսի ամբիոնի կողմից։