РОССИЙСКО-АРМЯНСКИЙ УНИВЕРСИТЕТ

16 Ապր
2026

«Մայր Հայաստան» ստեղծագործական միավորումը հանդես եկավ ՌՀՀ-ում

Ստեղծագործությունը ասմունքել է Հելեն Արաքելյանը՝ շվիի, դուդուկի և դհոլի նվագակցությամբ։

«Մայր Հայաստան» ստեղծագործական միավորումը ապրիլի 16-ին Ռուս-հայկական համալսարանում ներկայացրեց ամենայն հայոց բանաստեղծ Հովհաննես Թումանյանի «Սասունցի Դավիթ» ստեղծագործությունը, որը հայ ժողովրդի հավաքական նկարագիրն ու բնութագիրն է, մեր հազարամյա պատմության պայքարն ու հաղթանակն է, մեր արժեհամակարգի, ինքնության և ազգային ոգու բանալին։

Ստեղծագործությունը ասմունքել է Հելեն Արաքելյանը՝ շվիի, դուդուկի և դհոլի նվագակցությամբ։

Նշենք, որ «Մայր Հայաստան» ստեղծագործական միավորման նպատակն է իր շուրջ հավաքել հայ մշակույթի սիրահարներին, պահպանել հայ մշակույթը և տարածել այն։

Միջոցառումը կազմակերպվել էր ՌՀՀ-ի բանասիրության և միջմշակութային հաղորդակցության ինստիտուտի հայոց լեզվի և գրականության ամբիոնի կողմից: