РОССИЙСКО-АРМЯНСКИЙ УНИВЕРСИТЕТ

24 Փետ
2026

Ռուս-Հայկական համալսարանում մեկնարկել է «Երկխոսություն. Աշխատաշուկան և Ռուս-Հայկական համալսարանը» խորագրով ֆորում

Ֆորումի նպատակն է՝ քննարկել Համալսարանի կրթական ծրագրերի համապատասխանությունը աշխատաշուկայի ներկայիս պահանջներին։

Ռուս-Հայկական համալսարանում փետրվարի 24-ին մեկնարկել է «Երկխոսություն. Աշխատաշուկան և Ռուս-Հայկական համալսարանը» խորագրով ֆորում:

Մասնակիցներին ողջունեցին ՌՀՀ ռեկտոր, պրոֆեսոր Էդվարդ Սանդոյանը և ՌՀՀ ուսումնական աշխատանքի գծով պրոռեկտոր Մարինա Խաչատրյանը։

«Անհրաժեշտ է քննարկել այն հարցերը, որոնք առնչվում են կրթական բովանդակությանը, քանի որ Հայաստանում և ամբողջ աշխարհում կրթական համակարգը չի հասցնում հետևել տեխնոլոգիաների արագ զարգացմանը։ Պետք է դիտարկել նոր ձևաչափեր ժամանակակից գործիքների կիրառման համար կրթական համակարգում։ Մենք պետք է շարժվենք այնպիսի կրթական ուղով, որը համատեղում է հիմնարար գիտելիքները ժամանակակից մասնագիտական հմտությունների հետ։ Իրականում սա նոր խնդիր չէ․ տասնամյակներ շարունակ նույնիսկ լավագույն համալսարանների շրջանավարտները առնչվում են այն դժվարության հետ, որ առանց հավելյալ պատրաստվածության չեն կարող անմիջապես սկսել աշխատել իրենց մասնագիտությամբ։ Պատվիրատուն պետք է ներգրավված լինի ուսումնական գործընթացներում», – ընդգծեց ՌՀՀ ռեկտոր Էդվարդ Սանդոյանը։

Ռեկտորի խոսքով՝ ՌՀՀ շրջանավարտների գրեթե 100%-ը աշխատատեղ է գտնում․ «Մենք, անշուշտ, ուրախ ենք այդ պահանջարկի համար։ Բայց մյուս կողմից, մենք ունենք խնդիր՝ մեր ուսանողները սկսում են աշխատել ուսանողական նստարաններից, և երբեմն ստիպված ենք նույնիսկ հեռացնել դասերից բացակայության պատճառով», – նշեց նա։

Էդվարդ Սանդոյանը ընդգծեց նաև, որ համալսարանը համագործակցում է բազմաթիվ արտաքին գործընկեր-համալսարանների հետ, ինչը ուսանողներին տալիս է լրացուցիչ հնարավորություններ իրենց որակավորման բարձրացման և, համապատասխանաբար, մրցակցային առավելության ձեռքբերման համար աշխատաշուկայում։

«Գլխավոր դիլեման, որը պետք է քննարկվի այսօրվա երկխոսության ընթացքում, այն է, թե ինչպես ապահովել խոր, հիմնարար գիտելիքների և գործնական փորձի համադրություն։ Դրա համար էլ աշխատաշուկայում ներկայացուցիչները պետք է լինեն միաժամանակ պատվիրատուներ, մասնակցողներ և ուսումնական գործընթացի գնահատողներ։ Մենք հույս ունենք ձեզ հետ արդյունավետ համագործակցության այս հարցերում», – ասաց ռեկտորը, հավելելով, որ ՌՀՀ-ն ունի դրա համար բոլոր անհրաժեշտ ռեսուրսները։

«Մենք որոշել ենք ինստիտուցիոնալացնել առկա համագործակցության ձևաչափերը գործատուների հետ, առաջին հերթին՝ կրթության որակը բարձրացնելու և աշխատաշուկայից հետադարձ կապ ստանալու համար։ Սա կարևոր է այն մասնագետների պատրաստման համար, ովքեր համապատասխանում են ժամանակակից պահանջներին և ակնկալիքներին։ Անդադար երկխոսություն առանց նման դիալոգի հնարավոր չէ ապահովել աշխատաշուկայի համար որակյալ կադրեր, – ընդգծեց ուսումնական աշխատանքի գծով պրոռեկտոր Մարինա Խաչատրյանը։ – Ֆորումի աշխատանքը կազմակերպված է յոթ սեկցիաների շուրջ, որոնք ներկայացնում են ոչ բոլոր գործող կրթական ծրագրերը, սակայն հետագայում այս խմբերը կընդլայնվեն։ Մենք ցանկանում ենք ստանալ պատասխաններ մի շարք կարևոր հարցերի վերաբերյալ, որոնք առնչվում են մեր շրջանավարտների վերջնական կոմպետենցիաների ձևավորմանը․ ինչն է նրանց մրցակցային առավելությունը, ինչն է կարևոր է ներառել ուսումնական ծրագրերում և այլն»։

Մարինա Խաչատրյանը առանձնահատուկ ուշադրություն դարձրեց պրակտիկների կազմակերպման և անցկացման հարցերին․ «Մեկ այլ կարևոր հարց քննարկման համար՝ պրակտիկաները կազմակերպել և իրականացնել այնպես, որպեսզի դրանք ֆորմալ բնույթ չկրեն։ Այսօր մենք կքննարկենք նաև հետադարձ կապ ապահովելու կարևոր հարցը։ Համալսարանի համար սկզբունքային կարևոր մի կետ է՝ աշխատաշուկայի ներկայացուցիչների ներգրավումը ուսումնական գործընթացում և պետական հանձնաժողովների կազմում»։

Միջոցառման շրջանակներում կկայանան աշխատաշուկայի ներկայացուցիչների, ինստիտուտների տնօրենների, ամբիոնների վարիչների, առաջատար դասախոսների և համալսարանի շրջանավարտների միջև քննարկումներ։

Ֆորումը կներառի աշխատանքային քննարկումներ ըստ խմբերի՝ 7 ուղղություններով
Խումբ 1՝ Տնտեսագիտոություն և ֆինանսներ․ երկխոսություն աշխատաշուկայի հետ
Խումբ 2՝ Կառավարում և բիզնես․ երկխոսություն աշխատաշուկայի հետ
Խումբ 3՝ Զբոսաշրջություն և սպասարկման ոլորտ․ երկխոսություն աշխատաշուկայի հետ
Խումբ 4՝ Միջազգային հարաբերություններ․ երկխոսություն աշխատաշուկայի հետ
Խումբ 5՝ Իրավագիտություն․ երկխոսություն աշխատաշուկայի հետ
Խումբ 6՝ Լրագրություն, գովազդ և հասարակայնության հետ կապեր․ երկխոսություն աշխատաշուկայի հետ
Խումբ 7՝ Կենսաբժշկության և դեղագիտության ինստիտուտ․ երկխոսություն աշխատաշուկայի հետ