- 18 Ապր
- 2026
ՌՀՀ-ում քննարկեցին քաղաքացիական դատավարության պրակտիկ հիմնախնդիրները
Միջոցառման մասնակիցները քննարկեցին ապացուցման կանոնները, ապացուցման առարկայի և ապացուցման ենթակա ու ապացուցման կարիք չունեցող փաստերի սահմանումը, նյութաիրավական կանխավարկածների և դատավարական կանոնների փոխհարաբերությունը և այլն:
«Քաղաքացիական դատավարության պրակտիկ որոշ հիմնախնդիրներ՝ ապացուցման պարտականության բաշխման համատեքստում» թեմայով կլոր սեղանը կայացավ Ռուս-հայկական համալսարանում ապրիլի 18-ին:
Կլոր սեղանի բանախոսներն էին՝ Հովիկ Շահնազարյանը՝ Վերաքննիչ հակակոռուպցիոն դատարանի դատավոր, ի.գ.թ. Գարիկ Գևորգյանը՝ «Ակբա բանկ» ԲԲԸ իրավաբանական վարչության պետ, ի.գ.թ. Հայարփի Զարգարյանը՝ Վերաքննիչ հակակոռուպցիոն դատարանի դատավոր, Անահիտ Անտոնյանը՝ Կոտայքի մարզի առաջին ատյանի ընդհանուր իրավասության դատարանի դատավոր։
Միջոցառման մասնակիցները քննարկեցին ապացուցման կանոնները, ապացուցման առարկայի և ապացուցման ենթակա ու ապացուցման կարիք չունեցող փաստերի սահմանումը, ապացուցման բեռի բաշխման խնդիրները, նյութաիրավական կանխավարկածների և դատավարական կանոնների փոխհարաբերությունը, մասնավորապես՝ պարտավորական և բանկային վեճերում, աշխատանքային վեճերով ապացուցման առանձնահատկությունները, ինչպես նաև ընտանեկան գործերով ապացուցման բեռի բաշխման առանձնահատկությունները՝ երեխայի լավագույն շահի սկզբունքի հաշվառմամբ և այլ հարցեր։
Նշենք, որ միջոցառումը կազմակերպվել էր ՌՀՀ Իրավունքի ինստիտուտի քաղաքացիական իրավունքի և քաղաքացիական դատավարության իրավունքի ամբիոնի կողմից:
Վերջին Նորություններ
-
18 Ապրիլ , 2026
-
16 Ապրիլ , 2026
-
16 Ապրիլ , 2026
