РОССИЙСКО-АРМЯНСКИЙ УНИВЕРСИТЕТ

07 Մայ
2026

ՌՀՀ դասախոսները ավարտեցին մասնագիտական զարգացման դասընթացը

Դասընթացը կազմակերպվել էր ՌՀՀ և Սանկտ Պետերբուրգի Պետրոս Մեծի պոլիտեխնիկական համալսարանի համատեղ միջոցառումների շրջանակներում:

ՌՀՀ Տնտեսագիտության տեսության և անցումային շրջանի տնտեսության հիմնախնդիրների ամբիոնի դասախոսները ավարտեցին «Միջմշակութային կրթական միջավայրին ադապտացումը` օտար լեզուներով տնտեսագիտական առարկաների դասավանդման ոլորտում» թեմայով մասնագիտական զարգացման դասընթացն, որն անց է կացվել Սանկտ Պետերբուրգի Պետրոս Մեծի պոլիտեխնիկական համալսարանի մասնագետների կողմից: Տասնհինգ դասախոսներ ապրիլի 22-ին ստացան պետական նմուշի վկայականներ՝ դասընթացն ավարտելու մասին:

Մասնագիտական զարգացման դասընթացը կազմակերպվել էր ՌՀՀ և Սանկտ Պետերբուրգի Պետրոս Մեծի պոլիտեխնիկական համալսարանի համատեղ միջոցառումների շրջանակներում և իրականացվել է Պոլիտեխնիկական համալսարանի տնտեսագիտության տեսության ամբիոնի դոցենտ, տնտեսագիտության թեկնածու, դոցենտ Ելենա Վդովինայի կողմից։

Դասընթացի ավարտից հետո տեղի ունեցավ «Միջմշակութային կրթական միջավայրին ադապտացումը` օտար լեզուներով տնտեսագիտական առարկաների դասավանդման ոլորտում» թեմայով միջազգային կլոր սեղան։ Միջոցառման ընթացքում երկու ամբիոնների մասնագետները քննարկեցին գիտելիքների ձեռքբերման մեթոդական աջակցության տեսակները և ձևերը օտար լեզվով տնտեսագիտական առարկաները դասավանդելիս, ուսանողական աշխատանքի կազմակերպման մարտահրավերները՝ լսարանում ինտերակտիվ հաղորդակցության միջոցով` նոր ակադեմիական բովանդակության յուրացման ընթացքում և այլ բազմաթիվ հարցեր։ Կլոր սեղանը կազմակերպվել է ապրիլի 22-ին ՌՀՀ-ում պաշտոնական այցով գտնվող Պոլիտեխնիկական համալսարանի մասնագետների մասնակցությամբ:

Դասընթացների և եզրափակիչ միջոցառման արդյունքներով դասընթացի մասնակիցներին շնորհվեցին մասնագիտական զարգացման մասին Ռուսաստանի Դաշնության պետական նմուշի վկայականներ։ Վկայականները հանձնեցին դասընթացի հեղինակ` Ելենա Վդովինան և Պոլիտեխնիկական համալսարանի տնտեսագիտության տեսության ամբիոնի վարիչ, տնտեսագիտության թեկնածու, դոցենտ Սվետլանա Գոլովկինան։