ՌՀՀ-ում կքննարկվեն արհեստական բանականության իմացաբանական, էթիկական, իրավական և մարդաբանական մարտահրավերները
Նոյեմբերի 20-ին` Ժամը 15:00-ին, Ռուս-Հայկական համալսարանի 445 լսարանում կկայանա «Արհեստական բանականություն. արդի ժամանակաշրջանի իմացաբանական, էթիկական, իրավական և մարդաբանական մարտահրավերները» խորագրով կլոր սեղան-քննարկում:
Անցկացման ձևաչափը՝ հիբրիդային https://meet.google.com/hna-kgev-ngi
ՔՆՆԱՐԿՄԱՆ ՀԱՐՑԵՐ
• Կարո՞ղ է արդյոք արհեստական բանականությունը համարվել ճանաչողության ինքնուրույն սուբյեկտ, թե՞ այն պարզապես վերարտադրում է մարդկային գիտելիքը։
• Արդյո՞ք արհեստական բանականությունը նպաստում է քննադատական մտածողության զարգացմանը, թե՞, ընդհակառակը, թուլացնում է մարդու ինքնուրույն մտածելու կարողությունը։
• Ո՞վ է կրում բարոյական պատասխանատվություն արհեստական բանականության կողմից կայացված որոշումների համար։
• Ո՞ւմ են պատկանում արհեստական բանականության միջոցով ստեղծված ստեղծագործությունների հեղինակային իրավունքները։
• Արդյո՞ք պետությունը պետք է սահմանափակի ԱԲ-ի կիրառումը քաղաքականության, կրթության և դատական համակարգում։
• Կարո՞ղ է արդյոք ԱԲ-ի զարգացումը փոխել մարդու պատկերացումները սեփական եզակիության մասին։
• Ինչպե՞ս կազդի ԱԲ-ի զարգացումը մարդկային ինքնության, ինքնագիտակցության և և կամքի ազատության վրա։
• Կարո՞ղ է արդյոք տեխնոլոգիական առաջընթացը համարվել մարդկության առաջընթաց, եթե այն չի ուղեկցվում մարդու բարոյական և մտավոր զարգացմամբ։
Միջոցառումը կազմակերպվել է Միջազգային հարաբերությունների և հասարակաքաղաքական գիտությունների ինստիտուտի փիլիսոփայության ամբիոնի կողմից։








