Վլադիմիր Եղիազարյանի անվան ծրագրավորման հայաստանյան բաց մրցույթ
Սիրո՞ւմ ես ծրագրավորման խնդիրներ լուծել։ Մասնակցո՞ւմ ես ծրագրավորման հանրապետական ու միջազգային տարբեր մրցույթների։
Հրավիրում ենք մասնակցելու Վլադիմիր Եղիազարյանի անվան ծրագրավորման 2022 թվականի հայաստանյան բաց մրցույթին, որի նպատակն է մեկ հարթակում հավաքել Հայաստանի բոլոր սերունդների ծրագրավորողներին:
Մասնակցելու համար կարող են դիմել ցանկացած մակարդակի հմտություններ ունեցող ծրագրավորողները` սկսած ուսանողներից ու դպրոցականներից, մինչև փորձառու ծրագրավորողներ: Խնդիրները կլինեն ոչ միայն դասական ալգորիթմական (ICPC) ոճի, այլ նաև կենթադրեն ծրագրավորման այնպիսի տարբեր հմտությունների տիրապետում, ինչպիսիք հանդիպում են IT կազմակերպությունների ամենօրյա աշխատանքում: Խնդիրների լուծման համար հասանելի են լինելու հետևյալ լեզուները C++, Java, Python 2/3, C#, C, Kotlin, Ruby, PHP։
Անցկացման վայրը՝ Հայ-Ռուսական համալսարան։
Անցկացման օրը՝ 2022թ. մայիսի 22։
Հաղթողները կստանան մրցանակներ։
Կազմակերպիչներ՝ Հայ-Ռուսական համալսարան, Ձեռնարկությունների ինկուբատոր հիմնադրամ (EIF), OneMarketData և CodeSignal
Մասնակցության համար անհրաժեշտ է կազմել 2 մասնակցից բաղկացած թիմ և գրանցվել հետևյալ հղումով: Հայտերի ընդունման վերջնաժամկետն է մայիսի 15-ը
https://forms.gle/mT5y44swAyqiEYA1A
https://forms.gle/mT5y44swAyqiEYA1A
Հիշեցնենք, որ Վլադիմիր Եղիազարյանը Հայ-Ռուսական համալսարանի Կիրառական մաթեմատիկայի և ինֆորմատիկայի ֆակուլտետի հիմնադիրն ու առաջին դեկանն էր։