Հայ-Ռուսական (Սլավոնական) համալսարանը Ստ. Պետերբուրգի պոլիտեխնիկական համալսարանի հետ համատեղ կազմակերպում է ամառային դպրոց` «Ժամանակակից անլար համակարգեր, IoT և ցանցեր» ուղղութամբ: Դպրոցը կանցկացվի Դիլիջանում (գ. Հաղարծին) հուլիսի 17-21-ը։

 

Ամառային դպրոցի մասին տեղեկություն ստանալու և մասնակցելու համար անհրաժեշտ է մինչև հունիսի 30-ը ներառյալ լրացնել հետևյալ առցանց հայտաձևը` https://forms.gle/TBK3SgsUPASZFRrC7

 

Հայտերի ընդունման արդյունքում հուլիսի 1-10 ընկած ժամանակահատվածում հարցազրույցների արդյունքում 20 լավագույն դիմորդների համար ամառային դպրոցը կլինի ԱՆՎՃԱՐ, իսկ մյուսների համար կգործի վճարովի հիմունքներով գրանցում` հատուկ գնային սանդղակով։ 

 

Ամառային դպրոցի շրջանակներում մասնակիցները.
• կծանոթանան ժամանակակից անլար կապի համակարգերին և նրանց հանգույցների մշակման լուծումներին և հնարավորություններին;
• կծանոթանան բջջային կապի 5G տեխնոլոգիայի հնարավորություններին և աշխատանքի սկզբունքներին;
• կծանոթանան IoT համակարգերով տարբեր նշանակության լուծումների իրականացմանը;
• կծանոթանան անլար ռադիոցանցերի կարգաբերման ժամանակակից լուծումներին և նրանց կիրառություններին;
• հնարավորություն կունենան իրական պայմաններում շփումներ ունենալ նշված ուղղություններով սարքերի, համակարգերի և լուծումների հետ։

Պլանավորվում է նաև արտերկրից և տեղական առաջատար ընկերություններից հյուրերի մասնակցություն ամառային դպրոցին. մասնագետները հանդես կգան ելույթներով և ցուցադրություններով:

 

Ամառային դպրոցի մասնակիցների ընտրության փուլում առաջնայնությունը կտրվի Ճարտարագիտական կամ հարակից ոլորտների ուսանողներին, որոնք սովորում են 3-րդ կամ ավելի բարձր կուրսերում և այն անձանց, ովքեր հետաքրքված են իրենց ուսումը և գործունեությունը շարունակել անլար հեռահաղորդակցության ոլորտում:

 

Հարցերի և լրացուցիչ տեղեկատվության համար կարող եք զանգահարել` 055 757 638։