РОССИЙСКО-АРМЯНСКИЙ УНИВЕРСИТЕТ

11 Փետ
2026

ՌՀՀ-ում քննարկեցին Թուրքմենչայի հաշտության պայմանագրի ժառանգությունը

Հիշատակի միջոցառումների շրջանակում անց է կացվել փորձագիտական սեմինար, որը միավորել է ՌՀՀ առաջատար հետազոտողներին և երիտասարդ գիտնականներին։

Ռուս-հայկական համալսարանում հարգանքի տուրք են մատուցել Ալեքսանդր Գրիբոյեդովի հիշատակին և քննարկել Թուրքմենչայի հաշտության պայմանագրի ժառանգությունը։ ՌՀՀ պրոֆեսորադասախոսական կազմն ու ուսանողները փետրվարի 11-ին ծաղիկներ են խոնարհել դիվանագետի կիսանդրու մոտ։

ՌՀՀ Միջազգային հարաբերությունների և հասարաքաղաքական գիտությունների ինստիտուտի տնօրեն, պրոֆեսոր Երվանդ Մարգարյանը ընդգծել է Գրիբոյեդովի գործունեության նշանակությունը դիվանագիտական պրակտիկայի զարգացման և տարածաշրջանի ժողովուրդների միջև մշակութային կապերի ամրապնդման գործում։

Հիշատակի միջոցառումների շրջանակում անց է կացվել փորձագիտական սեմինար, որը միավորել է ՌՀՀ առաջատար հետազոտողներին և երիտասարդ գիտնականներին։ Քննարկումների կենտրոնում էր Թուրքմենչայի պայմանագիրը, որը հաջորդ դարերի ընթացքում ձևավորել է Կովկասի աշխարհաքաղաքական դիմագիծը։ Զեկուցողները ներկայացրել են պայմանագրի տեքստի պատմաիրավական վերլուծությունը, անդրադարձել դիվանագիտական առաքելությունների մշակութային համատեքստին և ընդգծել սերունդների շարունակականության կարևորությունը։

ՌՀՀ ռեկտորի աշխատակազմի խորհրդական Իվան Ալեքսանդրովսկու խոսքով՝ Թուրքմենչայի պայմանագրի նման հիմնարար ուսումնասիրությունը հնարավորություն է տալիս ոչ միայն վերականգնել անցյալը, այլև ավելի լավ ըմբռնել տարածաշրջանում ժամանակակից միջազգային հարաբերությունների ճարտարապետությունը։

Հիշեցնենք, որ նշանավոր ռուս դիվանագետ, բանաստեղծ և դրամատուրգ Ալեքսանդր Գրիբոյեդովի կիսանդրին հանդիսավոր կերպով բացվել է Ռուս-հայկական համալսարանի այգում 2019 թվականի հունվարի 30-ին։