Ռուս-հայկական համալսարանի ռեկտորի աշխատակազմի խորհրդական, համաշխարհային պատմության և արտասահմանյան տարածաշրջանագիտության ամբիոնի ավագ դասախոս Իվան Ալեքսանդրովսկին մասնակցել է Դեմոկրիտոսի համալսարանի (DUTH) VI Միջազգային շաբաթին, որն անցկացվել է մայիսի 4-8-ը Հունաստանի Ալեքսանդրուպոլիս քաղաքում։

Այս տարվա լայնածավալ ակադեմիական միջոցառման թեման էր՝ «Հավասարությունը գործողության մեջ. համայնքների հզորացում և հաստատությունների վերափոխում»։

Դեմոկրիտոսի համալսարանը Հունաստանի խոշորագույն պետական բուհերից է՝ շուրջ 30 հազար ուսանողով։ Իվան Ալեքսանդրովսկին մասնակցել է ներառական կրթության ժամանակակից մոտեցումներին նվիրված թեմատիկ թրեյնինգների և վարպետության դասերի, ինչպես նաև հանդես եկել փորձագիտական քննարկումներում։

Այցի կարևոր արդյունքներից դարձան DUTH-ի պրոռեկտոր Մարիա Գրիգորիուի հետ անցկացված բանակցությունները, որոնց ընթացքում ձեռք բերվեցին ՌՀՀ-ի համար կարևոր պայմանավորվածություններ։ Հունական բուհի ղեկավարությունը որոշում է կայացրել 2026 թվականի հունիսին նախատեսված Հայաստան այցի ծրագրում ներառել նաև Ռուս-հայկական համալսարան։ Իվան Ալեքսանդրովսկու խոսքով՝ Երևան կատարելիք այցը նախատեսված է հումանիտար գիտությունների ոլորտում լիարժեք համագործակցության համաձայնագրի ստորագրման համար ամուր հիմք դնելու համար։