РОССИЙСКО-АРМЯНСКИЙ УНИВЕРСИТЕТ

23 Հոկ
2026

ՌՀՀ-ում անցկացվեց կլոր սեղան-քննարկում և ուսանողական բրեյն-ռինգ՝ նվիրված ԱՊՀ-ի 35-ամյակին

Ծրագիրը համախմբեց առաջատար փորձագետների ակադեմիական քննարկումներն ու ուսանողների ինտելեկտուալ մրցապայքարը։

ԱՊՀ-ի 35-ամյակին նվիրված գիտակրթական միջոցառումներ տեղի ունեցան ՌՀՀ-ում հոկտեմբերի 23-ին։

Կայացավ «ԱՊՀ-ն բազմաբևեռ աշխարհում․ ինտեգրման 35 տարիները, մարտահրավերներն ու հեռանկարները» խորագրով կլոր սեղան։ ՌՀՀ Համաշխարհային պատմության և արտասահմանյան տարածաշրջանագիտության ամբիոնի վարիչ Բենիամին Մայիլյանն ընդգծեց, որ ԱՊՀ-ն դարձել է բազմակողմ երկխոսության կարևոր հարթակ, իսկ այսօր առաջնահերթ են տեխնոլոգիական և հումանիտար համագործակցության զարգացումը։

Ծրագրի շրջանակում անցկացվեց նաև «Ինտեգրման ուրվագծերը․ ԱՊՀ-ն հարց ու պատասխաններում» ուսանողական ինտելեկտուալ մրցույթը, որին մասնակցեցին քաղաքագետների և տարածաշրջանագետների թիմերը։

Մրցույթի վարող Իվան Ալեքսանդրովսկին կարևորեց խաղայնացման և ինտերակտիվ ձևաչափերի դերը՝ ուսանողներին պատմական ու քաղաքական գործընթացների ուսումնասիրման մեջ ներգրավելու գործում։

Միջոցառումները կազմակերպել էր ՌՀՀ Միջազգային հարաբերությունների և հասարակական-քաղաքական գիտությունների ինստիտուտը։