Ռուս-Հայկական համալսարանի «Կորպորատիվ իրավաբան» մագիստրոսական ծրագրի II կուրսի ուսանող Ստելլա Ներսիսյանը «Քաղաքացիական իրավունքի ավանդույթներն ու նոր հորիզոնները» գիտագործնական համաժողովի շրջանակներում՝ «Գեղարվեստական և ճարտարագիտական գործունեության արդյունքների իրավունքը որպես գույքային իրավունքների քաղաքացիական շրջանառության կազմակերպման գործիք» խորագրով բաժնում հանդես է եկել «Անբարեխիղճ մրցակցությունը՝ կապված ապրանքային նշանի բացառիկ իրավունքի ձեռքբերման և օգտագործման հետ» թեմայով զեկույցով։ 

Աշխատությունում քննարկվում են մրցակցության սահմանափակման նպատակով ապրանքային նշանի նկատմամբ իրավունքի չարաշահման, ինչպես նաև բարեխիղճ իրավատերերի բացառիկ իրավունքների պաշտպանության խնդիրները։ Վերոնշյալ գիտահետազոտական աշխատանքի գիտական ղեկավարն է ՌՀՀ Իրավունքի ինստիտուտի տնօրեն, ավագ դասախոս, ի.գ.թ. Մարիաննա Քալաշյանը: 

Մրցույթի արդյունքներով Ներսիսյան Ստելլան արժանացել է առաջին աստիճանի դիպլոմի «Լավագույն հրապարակային ելույթ» անվանակարգում:

Նշենք, որ համաժողովը կազմակերպվել է Վ.Ֆ. Յակովլևի անվան Ուրալի պետական իրավաբանական համալսարանի (Եկատերինբուրգ) կողմից ապրիլի 23-ին։