Հոկտեմբերի 30-ին Հայ-Ռուսական համալսարանում տեղի ունեցավ ՀՌՀ ռեկտոր, պրոֆեսոր Էդվարդ Սանդոյանի և «H3C Technologies» միջազգային կորպորացիայի պատվիրակության աշխատանքային հանդիպումը։

Աշխատանքային այցի նպատակն էր քննարկել թվային նորարարության ոլորտում ՀՌՀ-ի և H3C Technologies կորպորացիայի միջև փոխշահավետ համագործակցության ոլորտները։ H3C-ի ներկայացուցիչները հետաքրքրված էին ՀՌՀ-ում իրականացվող գիտական և կրթական ծրագրերի լայն շրջանակով, ինչպես նաև արտասահմանյան գործընկերների, այդ թվում՝ Huawei-ի հետ իրականացվող բարձր տեխնոլոգիաների ոլորտում ընթացիկ համատեղ նախագծերով։

Բացի այդ, հանդիպման ընթացքում կողմերը քննարկեցին անլար Wi-Fi ցանցերի նոր տեխնոլոգիաների և էլեկտրոնային բազմաֆունկցիոնալ սալիկների նոր տեսակի ձեռքբերումը։

Ավարտելով աշխատանքային հանդիպումը, կողմերը վստահություն հայտնեցին, որ ՀՌՀ-ն և H3C Technologies կորպորացիան ունեն բազմաթիվ հեռանկարային ուղիներ՝ փոխշահավետ պայմաններով հետագա համատեղ ծրագրերի իրականացման համար։

 

 

 

Թարգմանեց՝ Արուս Մելիքյանը
("Լրագրություն", 3 կուրս)