РОССИЙСКО-АРМЯНСКИЙ УНИВЕРСИТЕТ

17 Մար
2026

HR փորձագետ Անուշ Մանուչարյանը ՌՀՀ ուսանողներին պատմեց, թե ինչպես են ռեքրութերները բացահայտում թեկնածուի իրական ներուժը

Ուսանողները ստացան պրակտիկ պատկերացում գնահատման կենտրոնների (Assessment Center) մեթոդի մասին:

Կազմակերպական և մասնագիտական զարգացման ոլորտի փորձագետ Անուշ Մանուչարյանը, ով ունի 20 տարվա փորձ HR-ի, ուսուցման և զարգացման, մենեջմենթի և առաջնորդության ոլորտներում, մարտի 17-ին Ռուս-հայկական համալսարանում ներկայացրեց դասախոսություն «Ոչ միայն ռեզյումե և հարցազրույց․ ինչպես բացահայտել թեկնածուի իրական ներուժը» թեմայով։

Ուսանողները ստացան պրակտիկ պատկերացում գնահատման կենտրոնների (Assessment Center) մեթոդի մասին՝ որպես մասնագետի ներուժը գնահատելու ժամանակակից և արդյունավետ գործիք։ Ինչպես ընդգծեց Անուշ Մանուչարյանը, ավանդական ընտրության մեթոդները՝ օրինակ՝ ռեզյումեների ուսումնասիրությունն ու հարցազրույցները, հաճախ միայն սահմանափակ պատկերացում են տալիս թեկնածուի իրական հմտությունների մասին:

Նշենք, որ դասախոսությունը կազմակերպվել է ՌՀՀ-ի Տնտեսագիտության և բիզնեսի ինստիտուտի Կառավարման և բիզնեսի ամբիոնի կողմից