РОССИЙСКО-АРМЯНСКИЙ УНИВЕРСИТЕТ

08 Հու
2026

Պուշկինի ստեղծագործության թարգմանական ժառանգությանը նվիրված քննարկում

Ալեքսանդր Պուշկինի ծննդյան օրվան նվիրված միջոցառում, որի ընթացքում մասնակիցները անդրադարձան մեծ բանաստեղծի ստեղծագործության առավել հետաքրքիր կողմերից մեկին՝ Պուշկին-թարգմանչի կերպարին և նրա դերին համաշխարհային գրական մշակույթների երկխոսության մեջ, տեղի ունեցավ Ռուս-հայկական համալսարանում հունիսի 5-ին։

Քննարկման ընթացքում ներկայացվեց, թե ինչպես են անտիկ, անգլիական, ֆրանսիական և արևելյան գրական ավանդույթների ազդեցությունները արտացոլվել Պուշկինի ստեղծագործություններում՝ ստանալով նոր հնչողություն ռուսական պոեզիայում։ Առանձնահատուկ ուշադրություն դարձվեց նաև այն հանգամանքին, որ Պուշկինի պոեզիան շարունակում է ապրել և հնչել հայ ընթերցողի համար՝ շնորհիվ հայերեն թարգմանությունների և հայ բանաստեղծական խոսքի հետ նրա շարունակական երկխոսության։

Միջոցառումը կազմակերպվել էր ՌՀՀ Ռուս և համաշխարհային գրականության ու մշակույթի ամբիոնի նախաձեռնությամբ։