Հայ-Ռուսական համալսարանի տնտեսագիտության և ֆինանսների ամբիոնի վարիչ Մարիամ Ոսկանյանը սեպտեմբերի 24-ից 30-ը մասնակցել է Մոսկվայում անցկացված Ազգային հետազոտական համալսարանի Տնտեսագիտության բարձրագույն դպրոցի ավանդական միջազգային գործընկերության շաբաթին։ Աշխարհի 30 երկրների առաջատար համալսարանների և գիտահետազոտական կազմակերպությունների ներկայացուցիչներ Միջազգային գործընկերության շաբաթվա շրջանակներում քննարկել են բարձրագույն կրթության համակարգի զարգացման վերջին միտումները, փոխանակվել նորարարական գաղափարներով և փորձով կապված ակադեմիական և ուսանողական շարժունակության զարգացման, միջազգային գործընկերության խորացման և ընդլայնման հետ, ինչպես նաև ծանոթացել ՏԲԴ-ի ծրագրերին:

 

Ծրագրի շրջանակներում Մարիամ Ոսկանյանը ելույթ ունեցավ «Միջազգային միջավայր Հայ-Ռուսական (Սլավոնական) համալսարանի օտարերկրյա ուսանողների համար» զեկույցով: Նա ՀՌՀ-ն ներկայացրեց որպես միջազգային միջավայր ստեղծելու վառ օրինակ և ռուսական կրթության, գիտության և մշակույթի կենտրոն Հայաստանում և ամբողջ Անդրկովկասում: 

 

Նշենք, որ Ազգային հետազոտական համալսարանի Տնտեսագիտության բարձրագույն դպրոցի միջազգային գործընկերության շաբաթվա ծրագիրը ներառում էր 7 լիագումար և աշխատանքային նիստ՝ նվիրված Մեծ Եվրասիայում կրթության, թվային փոխակերպման և համագործակցության ամրապնդման առանցքային խնդիրներին։

 

 

Թարգմանեց՝ Նենսի Աբրահմյանը
("Լրագրություն", III կուրս)