- 11 Սեպ
- 2026
ՌՀՀ-ի Չինարենի և չինական մշակույթի կենտրոնի սաները մասնակցել են Չինաստանի դեսպանության աջակցությամբ կազմակերպված միջոցառմանը
Միջոցառումը նվիրված էր Հայաստանի և Չինաստանի միջև ժամանակակից բժշկության ոլորտում համագործակցության զարգացմանը և համատեղ ծրագրերի իրականացմանը։
Ռուս-Հայկական համալսարանի Չինարենի և չինական մշակույթի կենտրոնի սաները սեպտեմբերի 8-ին մասնակցել են Չինաստանի Ժողովրդական Հանրապետության դեսպանության աջակցությամբ կազմակերպված միջոցառմանը։
Միջոցառումը նվիրված էր Հայաստանի և Չինաստանի միջև ժամանակակից բժշկության ոլորտում համագործակցության զարգացմանը և համատեղ ծրագրերի իրականացմանը։ Հանդիպման ընթացքում չինական «United Imaging» բժշկական կորպորացիայի ներկայացուցիչները ներկայացրել են համագործակցության հիմնական ուղղություններն ու հեռանկարները։
Միջոցառման առանձնահատուկ մասն էր ՌՀՀ-ի Չինարենի և չինական մշակույթի կենտրոնի սաների ելույթը։ Նրանք չինարեն ողջունել են չինացի հյուրերին, ներկայացրել չինական ֆլեյտայի կատարում և հովհարներով պար, ինչպես նաև չինարեն պատմել համալսարանի և Կենտրոնում ուսուցման մասին՝ ցուցադրելով ոչ միայն իրենց լեզվական հմտությունները, այլև չինական մշակույթի նկատմամբ անկեղծ հետաքրքրությունը։
«Նման միջոցառումներին մասնակցելը մեր սաների համար չինարենը իրական միջազգային միջավայրում կիրառելու, մայրենի լեզվով խոսողների և չինական կողմի ներկայացուցիչների հետ շփվելու արժեքավոր հնարավորություն է»,- նշել է Կենտրոնի ղեկավար Նաիրա Գրիգորյանը։
Մասնակիցները միջոցառման կազմակերպիչների կողմից ստացել են հավաստագրեր և նվերներ։
ՌՀՀ-ի Չինարենի և չինական մշակույթի կենտրոնը շարունակում է ստեղծել հնարավորություններ, որոնց շնորհիվ չինարենի ուսումնասիրությունը դառնում է ոչ միայն ակադեմիական գործընթաց, այլև մշակույթների, մարդկանց և երկրների միջև իրական կամուրջ։
Վերջին Նորություններ
-
11 Սեպտեմբեր , 2026
-
09 Սեպտեմբեր , 2026
-
09 Սեպտեմբեր , 2026
