Ռուս-հայկական համալսարանի տնտեսագիտության և ֆինանսների ամբիոնի վարիչ Մարիամ Ոսկանյանը մասնակցել է VIII Միջազգային գիտատեխնիկական համաժողովի պլենար նիստին, որը նվիրված էր «Տնտեսական զարգացման տենդենցները XXI դարում» թեմային և անցկացվել էր Բելառուսի Հանրապետության Ազգային բանկի Ուսուցման կենտրոնում Մինսկում։

Համաժողովի ընթացքում պրոֆեսոր Ոսկանյանը ներկայացրել է իր զեկույցը՝ «Մակրոտնտեսական կարգավորման գործիքների անհաջողությունը նոր իրականության պայմաններում և հնարավոր լուծումների որոնումը» թեմայով։

Համաժողովի աշխատանքներին հեռակա ձևաչափով մասնակցել է նաև տնտեսագիտության և ֆինանսների ամբիոնի դոցենտ Անի Գալստյանը՝ «ԵԱՏՄ երկրների աշխատանքային արտադրողականության գործոնների գնահատումը» թեմայով զեկույցով։

Նշենք, որ ներկայացված հետազոտությունները պատրաստվել են ՀՀ կրթության, գիտության, մշակույթի և սպորտի նախարարության Բարձրագույն կրթության և գիտության կոմիտեի ֆինանսական աջակցությամբ՝ «Տնտեսական աճի էկզոգեն և էնդոգեն գործոնները Հայաստանի Հանրապետությունում աշխարհաքաղաքական նոր իրողության պայմաններում» գիտական նախագծի շրջանակներում (Գիտական նախագիծ №24SSAH-5B004)։