- 30 Հու
- 2025
ՀՌՀ դասախոսական թիմը հաղթանակներ է գրանցել «Դասախոսական գավաթ» հանրապետական մրցաշարում
Շնորհավորում ենք` մաղթելով շարունակական հաղթանակներ:
Հունվարի 27-ին մեկնարկել է «Դասախոսական գավաթ» 2025 միջբուհական հանրապետական մրցաշարը, որին Հայ-Ռուսական համալսարանի դասախոսական թիմը ունեցավ ակտիվ մասնակցություն:
Հունվարի 27-ին ՀՌՀ սեղանի թենիսի թիմը գրավեց 2-րդ պատվավոր հորիզոնականը: Թիմի կազմում էին դասախոս Արմեն Բունիաթյանը, ավագ դասախոսներ Ալինա Շալջյանը և Արսեն Աբրահամյանը:
Հունվարի 28-ին ՀՌՀ թիմը թեժ պայքարում դարձավ բացարձակ չեմպիոն բադմինթոնի առաջնությունում: Թիմի կազմում էին ավագ դասախոս Ալինա Շալջյանը և դասախոս Արմեն Բունիաթյանը:
Պարանի ձգման առաջնությունում ՀՌՀ հավաքական թիմը ևս հաղթող ճանաչվեց: Թիմի կազմում էին ՀՌՀ դասախոսներ Նորայր Չիլինգարյանը, Դավիթ Միքայելյանը, Մերի Ահարոնյանը, ավագ դասախոսներ Նարինե Հայրապետյանը, Էդուարդ Սիմոնյանը, ինչպես նաև «Ուսմունք» դպրոցի ֆիզիկական կուլտուրայի ուսուցիչ Ռաֆայել Հովհաննիսյանը:
Շնորհավորում ենք Հայ-Ռուսական համալսարանի հավաքական թիմերին և դասախոսական կազմին` մաղթելով շարունակական հաղթանակներ:
Վերջին Նորություններ
-
30 Հունվար , 2025
-
24 Հունվար , 2025
-
23 Հունվար , 2025
