Հոկտեմբերի 23-ին Հայ-Ռուսական համալսարանում մեկնարկել է Եվրասիական III վերլուծական համաժողովը, որը կտևի մինչև նոյեմբերի 3-ը՝ Երևան-Բիշքեկ-Մոսկվա հեռակոնֆերանսի ձևաչափով։ Համաժողովը նվիրված է եվրասիական ինտեգրման էթնոմշակութային գործոններին։

 

«Եվրասիական տարածքի մշակութային և հումանիտար բազմազանությունը նպաստում է ստեղծագործական օրակարգի առաջմղմանը։ Համաժողովի փորձագետները պետք է լուրջ աշխատանք տանեն ուսումնասիրելու համար Մեծ Եվրասիայի պետությունների վերլուծական կազմակերպությունների մտավոր համագործակցության հեռանկարները՝ մեր ժողովուրդների միջև փոխշահավետ կապերի զարգացումը պահպանելու համար։ Ձեր քննարկումների կենտրոնում կլինեն հումանիտար ոլորտի կարևոր ասպեկտները, այդ թվում՝ կրոնական, սոցիալ-ժողովրդագրական, մշակութային, հոգևոր և այլն: Այս տարին ԱՊՀ-ում հայտարարվել է ռուսաց լեզվի տարի՝ ազգամիջյան հաղորդակցության լեզու», - տեսաուղերձում ասել է ՌԴ փոխարտգործնախարար Ալեքսանդր Պանկինը։

ՀՌՀ միջազգային համագործակցության գծով պրոռեկտոր Սերգեյ Կապինոսը նշեց, որ համաժողովի աշխատանքը լավ հիմք կհանդիսանա եվրասիական տարածքում վերլուծության զարգացման գործում էական թռիչք կատարելու համար. այն կօգնի լուծել այն մարտահրավերներն ու խնդիրները, որոնք եվրասիական տարածքի պետությունների օրակարգում են։

 

Ողջույնի խոսքով հանդես եկավ նաև ՀՌՀ գիտության գծով պրոռեկտոր Պարգև Ավետիսյանը. «Հայ-Ռուսական համալսարանը բավականին ակտիվ է Եվրասիական տարածքի խնդիրների հետազոտական բաղադրիչում։ Համալսարանում կան մի քանի գիտական խմբեր և ոլորտներ, որոնք լուսաբանում են այս խնդիրը: Մասնավորապես, ՀՌՀ-ն գործում է որպես Եվրասիական տնտեսական տարածքի հետազոտությունների կենտրոն, որում ներգրավված են Տնտեսագիտության և բիզնեսի ինստիտուտը և հումանիտար գիտությունների ինստիտուտը: Դրանք կենտրոններ են, որոնք ստեղծվել են անցյալ տարի Ռուսական հումանիտար համալսարանի հետ միասին»:

Միջոցառման նպատակը Մեծ Եվրասիայի երկրների վերլուծական կազմակերպությունների միջև ինտելեկտուալ համագործակցության ներուժը վերլուծելն է՝ ի շահ եվրասիական տարածքի ժողովուրդների միջև հոգևոր կապերի պահպանման: 

 

Համաժողովի շրջանակում ռուս և հայ առաջատար վերլուծաբանները կքննարկեն կրոնական գործոններին վերաբերող հարցեր՝ ինտեգրման, ազգային զարգացման և եվրասիական երկրների անվտանգության համատեքստում, լեզվական խնդիրներին և բազմամշակութային երկխոսության խնդիրներին, ԵԱՏՄ ժողովրդագրական ներուժին և այլն։

 

Հանձնաժողովին մասնակցել են ակադեմիական և բարձրագույն ուսումնական հաստատությունների կրոնագիտության առաջատար վերլուծաբաններ, երիտասարդական ինտելեկտուալ ոչ առևտրային կազմակերպությունների ներկայացուցիչներ, Եվրասիական տեղեկատվական և վերլուծական կոնսորցիումի և «Վերլուծություն» ասոցիացիայի անդամներ, ինչպես նաև ուսանողներ:

Նշենք, որ հանձնաժողովի կազմակերպիչներն էին Հայ-Ռուսական համալսարանը, Ղրղզ-Ռուսական Սլավոնական համալսարանը, ՄԱԿ-ի ՌԳԱ «Եվրասիական տնտեսական միության (ԵԱՏՄ) ձևավորման սոցիալ-քաղաքական և ժողովրդագրական խնդիրները» գիտական խորհուրդը, Պատրիս Լումումբայի անվան ԺԸՌ համալսարանը, Ռուսաստանի Դաշնության կառավարությանն առընթեր ֆինանսական համալսարանը, Ռուսաստանի գիտությունների ակադեմիայի սոցիալական գիտությունների գիտական տեղեկատվության ինստիտուտը, Ռուսաստանի գիտությունների ակադեմիայի դաշնային գիտահետազոտական կենտրոնի ժողովրդագրական հետազոտությունների ինստիտուտը, կառավարման խնդիրների միջազգային գիտահետազոտական ինստիտուտը , «Անալիտիկ» ասոցիացիան, Եվրասիական տեղեկատվական և վերլուծական կոնսորցիումը:

 

 

Թարգմանեց՝ Նենսի Աբրահմյանը
("Լրագրություն", III կուրս)