Հայ-ռուսական համալսարանի հայոց լեզվի և գրականության ամբիոնի վարիչ, բան. գիտ. դոկտոր, պրոֆեսոր Գայանե Գևորգյանը և ամբիոնի դոցենտ, բան. գիտ. թեկնածու Հասմիկ Խաչատրյանը զեկուցումներով հանդես եկան «Բարբառագիտական ընթերցումներ» միջազգային գիտաժողովին: Միջոցառումը տեղի էր ունեցել նոյեմբերի 14-ին ՀՀ ԳԱԱ լեզվի ինստիտուտում:

 

Գիտաժողովը կազմակերպել էին ՀՀ ԳԱԱ հայագիտության և հասարակական գիտությունների բաժանմունքը և Հ. Աճառյանի անվան լեզվի ինստիտուտը՝ գործընկերությամբ Երևանի պետական համալսարանի հայոց լեզվի պատմության ամբիոնի, Հայկական պետական մանկավարժական համալսարանի  բանասիրական ֆակուլտետի, Գորիսի պետական համալսարանի:

 

Ողջույնի և բացման խոսքերով հանդես եկան ՀՀ ԳԱԱ լեզվի ինստիտուտի տնօրեն Վիկտոր Կատվալյանը, ՀՀ ԳԱԱ հայագիտության և հասարակական գիտությունների բաժանմունքի ակադեմիկոս քարտուղար, ՀՀ ԳԱԱ ակադեմիկոս Յուրի Սուվարյանը:

 

Գիտաժողովի ավարտին տեղի ունեցավ արդյունքների ամփոփում: