РОССИЙСКО-АРМЯНСКИЙ УНИВЕРСИТЕТ

29 Օգո
2025

ՌՀՀ ուսանողները հաղթեցին Ծաղկաձորում անցկացված հաքաթոնում

Առաջին մրցանակին է արժանացել Ռուս-Հայկական համալսարանի «GDS» թիմը՝ ստանալով 2.5 մլն դրամ, երկրորդ մրցանակին` Ռուս-Հայկական համալսարանի «Mayk Talk» թիմը:

Ուսանողական հաքաթոնի փակման արարողությունը, որի ընթացքում ամփոփվեցին մրցույթի արդյունքները, տեղի ունեցավ Ծաղկաձորում օգոստոսի 28-ին։ Եռօրյա միջոցառումը համախմբեց Հայաստանի տարբեր համալսարաններ ներկայացնող 24 թիմերի մոտ 100 ուսանողների։

Առաջին մրցանակին է արժանացել Ռուս-Հայկական համալսարանի «GDS» թիմը՝ ստանալով 2.5 մլն դրամ, երկրորդ մրցանակին` Ռուս-Հայկական համալսարանի «Mayk Talk» թիմը, իսկ երրորդին՝ Վանաձորի պետական համալսարանի «VanLogic» թիմը, որոնք համապատասխանաբար ստացել են 1.5 և 1 մլն ՀՀ դրամ:

ՀՀ բարձր տեխնոլոգիական արդյունաբերության նախարարի տեղակալ Ռուբեն Սիմոնյանը, շնորհավորելով մասնակիցներին, նշել է, որ ԲՏԱ նախարարությունը շատ է կարևորում Հաքաթոնի անցկացումը, քանի որ այն հնարավորություն է տալիս համալսարանից ստացած տեսական գիտելիքն ամրացնել պրակտիկ աշխատանքի միջոցով։