Հոկտեմբերի 6-ին՝ ժամը 11:00-ից 16:00-ն, Ռուս-Հայկական համալսարանի նախասրահում (1-ին հարկում, կենտրոնական մուտքի մոտ) կանցկացվի «Աշխատանքի տոնավաճառ 2026»-ը։

 

Տոնավաճառը ուսանողներին հնարավորություն կտա անմիջականորեն շփվելու Հայաստանի առաջատար կազմակերպությունների ներկայացուցիչների հետ, ծանոթանալու աշխատաշուկայի պահանջներին և դեռևս համալսարանում սովորելու ընթացքում բացահայտելու կարիերայի զարգացման հնարավորությունները։

 

Միջոցառմանը կմասնակցի 35 առաջատար կազմակերպություն, որոնք ներկայացնում են Հայաստանի տարբեր ոլորտներ։

 

Կազմակերպությունները ՌՀՀ տարբեր ինստիտուտների ուսանողներին կառաջարկեն աշխատանքի և պրակտիկայի հնարավորություններ, ուսանողական նախագծեր և մասնագիտական զարգացման այլ տարբերակներ։

 

Տոնավաճառում դուք կկարողանաք՝
🔹 անմիջականորեն շփվել կազմակերպությունների ներկայացուցիչների հետ,
🔹 տեղեկանալ առկա թափուր աշխատատեղերի, պրակտիկաների և ուսանողական ծրագրերի մասին,
🔹 իմանալ տարբեր կուրսերի և մասնագիտությունների ուսանողների համար նախատեսված հնարավորությունների մասին,
🔹 հարցեր ուղղել գործատուներին,
🔹 ներկայացնել ինքներդ ձեզ և կատարել առաջին քայլը մասնագիտական զարգացման ճանապարհին։

 

Եկեք պատրաստված։ Անպայման ձեզ հետ ունեցեք ձեր թարմացված CV-ն։ Հետաքրքրող աշխատանքի, պրակտիկայի կամ նախագծի դեպքում այն կարող եք անմիջապես փոխանցել կազմակերպության ներկայացուցչին։

 

Տոնավաճառը օգտակար կլինի բոլոր ուսանողների համար՝ անկախ նրանից՝ աշխատանք եք փնտրում արդեն հիմա, ցանկանում եք անցնել պրակտիկա, թե պարզապես ցանկանում եք նախապես ծանոթանալ գործատուների պահանջներին և մասնագիտական զարգացման հնարավորություններին։

 

Միջոցառումը կազմակերպում է ՌՀՀ Կարիերայի կենտրոնը։