РОССИЙСКО-АРМЯНСКИЙ УНИВЕРСИТЕТ

20 Ապր
2026

ՌՀՀ-ում կայացավ «Նախագծային գործունեության հիմունքներ» դասընթացի շրջանակում նախագծերի նախապաշտպանությունը

Թիմերը ներկայացրին իրենց աշխատանքի արդյունքները, ստացան հետադարձ կապ և հնարավորություն ունեցան նոր տեսանկյունից վերանայել սեփական նախագծերը։

«Նախագծային գործունեության հիմունքներ» դասընթացի շրջանակում ապրիլի 13-ից 17-ը Ռուս-հայկական համալսարանում անցկացվեցին նախագծային աշխատանքների նախապաշտպանությունները, վարպետաց դասը և հանդիպումներ մենթորների հետ՝ նախագծերի քննարկման նպատակով։ Նախապաշտպանությանը միացավ նաև Սանկտ Պետերբուրգի Պետրոս Մեծի պոլիտեխնիկական համալսարանի Արդյունաբերության նախագծային գործունեության և ինովացիաների բարձրագույն դպրոցի ավագ դասախոս Իննա Սելեդցովան։

Նախապաշտպանությունը դարձավ ոչ միայն գնահատման փուլ, այլև լիարժեք աշխատանքային հարթակ, որտեղ գաղափարները հստակեցվեցին, զարգացան և ձեռք բերեցին ավելի կառուցվածքային տեսք։ Այս ընթացքում թիմերը ներկայացրին իրենց աշխատանքի արդյունքները, ստացան հետադարձ կապ և հնարավորություն ունեցան նոր տեսանկյունից վերանայել սեփական նախագծերը։

Լրացուցիչ անցկացվեցին հանդիպումներ մենթորների հետ, որոնց ընթացքում ուսանողները մանրամասն քննարկեցին իրենց նախագծերը, ստացան նպատակային առաջարկություններ նախագծերի վերանայման վերաբերյալ և հստակեցրին հետագա զարգացման ուղղությունները։ Քննարկումները վկայեցին թիմերի զգալի առաջընթացի մասին․ նախագծերը դարձան առավել մշակված, հիմնավորումները՝ ավելի վստահ։

Առանձնահատուկ կարևորություն ուներ Իննա Սելեդցովայի անցկացրած վարպետաց դասը։ Այն հնարավորություն տվեց ոչ միայն ձեռք բերել նոր գիտելիքներ, այլև անմիջապես կիրառել դրանք գործնականում։ Վարպետաց դասի արդյունքում մասնակիցները ստացան վկայականներ։

Կազմակերպված նախապաշտպանությունները, վարպետաց դասը և մենթորների հետ հանդիպումները դարձան կարևոր փուլ՝ վերջնական պաշտպանության նախապատրաստման գործընթացում։ Ներկայումս թիմերը շարունակում են նախագծերի կատարելագործումը՝ ստացված հետադարձ կապի հիման վրա։

Նախագծերի իրականացման ընթացքին և արդիական նորություններին կարող եք հետևել Telegram ալիքում՝ https://t.me/rau_project