РОССИЙСКО-АРМЯНСКИЙ УНИВЕРСИТЕТ

18 Ապր
2026

ՌՀՀ-ում քննարկվեցին ինքնության և անձի ադապտացիայի խնդիրները

Համաժողովին մասնակցեցին Հայաստանի, Ռուսաստանի և Ղազախստանի առաջատար բուհերի և գիտական կենտրոնների մասնագետներ։

«Անձի հոգեբանության արդիական հարցեր․ ինքնություն և ադապտացիա» խորագրով միջազգային գիտագործնական համաժողովը անցկացվեց Ռուս-հայկական համալսարանում ապրիլի 17-18։ Միջոցառումը նվիրված էր ՌՀՀ հոգեբանության ամբիոնի հիմնադրման 20-ամյակին։

Ինչպես նշեց ՌՀՀ հոգեբանության ամբիոնի վարիչ, պրոֆեսոր Ասյա Բերբերյանը, համաժողովի նպատակն էր գտնել անձնային զարգացման արդիական խնդիրների լուծումներ, քննարկել ինքնության փոխակերպումը սոցիոմշակութային գործոնների ազդեցության ներքո, անձի ինքնության կառուցվածքների դինամիկան և միջմշակութային ադապտացիայի գործընթացները։ Բացի այդ, առանձնահատուկ ուշադրություն դարձվեց տարբեր երկրների գիտնականների միջև գիտական կապերի հաստատմանը, հետազոտությունների արդյունքների և մասնագիտական փորձի փոխանակմանը։

Նրա խոսքով՝ ներկայացված հիմնախնդիրների արդիականությունը և մարդկային գործունեության տարբեր ոլորտների արդիականացման գործընթացները ենթադրում են որակական փոփոխություններ անձնային զարգացման, կրթության և դաստիարակության մեջ, ինչպես նաև անցում դեպի նոր առաջնահերթություններ և նպատակներ՝ ժամանակակից իրողությունների պայմաններում։