Հայ-Ռուսական համալսարանը կազմակերպում է 2024-2025 ուսումնական տարվա լրացուցիչ ընդունելություն վճարովի հիմունքներով` ավագ դպրոցի 10-րդ դասարան ինժեներաֆիզիկական ուղղությամբ: Նշված հատուկ ուղղվածությամբ դասարաններում դասավանդելու են Հայ-Ռուսական համալսարանի պրոֆեսորադասախոսական կազմի ներկայացուցիչներ և հմուտ ուսուցիչներ: 
 
Մրցութային հիմունքներով իրականացվող ընդունելության արդյունքներով կիրականացվի ընդունելություն վճարովի ուսուցման համակարգում` տարեկան 750.000 ՀՀ դրամ  վարձավճարով: 

 

Ընդունվելու համար հավակնորդները պետք է անցնեն գիտելիքների ստուգում «Ֆիզիկա» և «Մաթեմատիկա» առարկաներից՝ համապատասխան հիմնական դպրոցի ծրագրերի շրջանակներում:

 

Հավասար միավորների դեպքում առաջնահերթությունը կտրվի 9-րդ դասարանի վկայականում մասնագիտական առարկաներից («Ֆիզիկա», «Մաթեմատիկա», «Ինֆորմատիկա») առավել բարձր գնահատական ունեցող դիմորդներին:

 

Աշակերտները օգտվում են ՀՌՀ նյութատեխնիկական բազայից, մասնավորապես, Սպորտային համալիրից, համակարգչային լսարաններից, գրադարանից ու այլ մասնագիտական և ուսումնական լաբորատորիաներից:

 

Դպրոցի շրջանավարտները կստանան առավելություններ Հայ-Ռուսական համալսարանի Ինժեներաֆիզիկական ինստիտուտ ընդունվելիս:

 

Դիմելու ժամկետներն են՝ 2024 թ. հուլիսի 25-ից օգոստոսի 10-ը: 
 
Անհրաժեշտ փաստաթղթեր՝
1.    Դիմում` Հայ-Ռուսական համալսարանի ռեկտորի անունով` լրացված ըստ ձևաչափի, ստորագրված);
2.    9-րդ դասարանի ավարտական վկայականի պատճեն,
3.    Ծննդյան վկայականի պատճեն,
4.    Ծնողների անձնագրերի պատճեններ,
5.    Գունավոր լուսանկար 3X4 (1 օրինակ),
6.    Սոցիալական քարտի կամ նույնականացման քարտի պատճեն:
 
Փաստաթղթերն անհրաժեշտ է ուղարկել [email protected] էլեկտրոնային հասցեին:  
 
Լրացուցիչ տեղեկությունների համար խնդրում ենք դիմել հետևյալ հեռախոսահամարներով` 091-54-77-10, 091-20-90-41: