РОССИЙСКО-АРМЯНСКИЙ УНИВЕРСИТЕТ

14 Մայ
2026

ՌՀՀ-ում կայացավ ուսանողական ակցիա՝ «Հասցեատերը՝ Պատմություն. մենք գրում ենք Հաղթողներին»

Նախագծի շրջանակում ՌՀՀ ուսանողները պատրաստել էին անձնական էսսեների և բաց նամակների շարք՝ ուղղված վետերաններին և իրենց ընտանիքների հերոսներին։

«Հասցեատերը՝ Պատմություն. մենք գրում ենք Հաղթողներին» խորագրով լայնածավալ ուսանողական ակցիա, որը համախմբել էր համալսարանի ուսանողներին, դասախոսներին և հյուրերին, տեղի ունեցավ Ռուս-հայկական համալսարանում մայիսի 14-ին:

Նախագծի շրջանակում ՌՀՀ ուսանողները պատրաստել էին անձնական էսսեների և բաց նամակների շարք՝ ուղղված վետերաններին և իրենց ընտանիքների հերոսներին։ Ակցիայի գլխավոր նպատակը ընտանեկան պատմությունները կենդանի պատմական հիշողության մաս դարձնելն էր և համաշխարհային իրադարձությունները ներկայացնելը կոնկրետ մարդկանց ճակատագրերի միջոցով։

ՌՀՀ Միջազգային հարաբերությունների և հասարակաքաղաքական գիտությունների ինստիտուտի տնօրեն Երվանդ Մարգարյանն ընդգծեց այն մարդկանց հիշատակի պահպանման կարևորությունը, ովքեր սեփական կյանքի և առողջության գնով մոտեցրել են Հաղթանակը։

«Բոլորին միավորում էր մեկ ճակատագիր։ Շատերը վերադարձան պատերազմից վիրավոր՝ ոմանք՝ ֆիզիկապես, ոմանք՝ հոգեպես։ Պատերազմը փոխում է յուրաքանչյուր մարդու, անհնար է դրա միջով անցնել և մնալ նույնը», — նշեց նա։

ՌՀՀ ռեկտորի աշխատակազմի խորհրդական Իվան Ալեքսանդրովսկին, իր հերթին, ուշադրություն հրավիրեց այն հանգամանքի վրա, որ նման նախաձեռնություններն օգնում են երիտասարդ սերնդին պատմությունն ընկալել ոչ թե ձևականորեն, այլ անձնական ապրումների և ընտանեկան հիշողությունների միջոցով։

Միջոցառման ընթացքում ուսանողները հղեցին իրենց խոսքերը պապերին ու տատերին՝ պատերազմի հերոսներին, իսկ ելույթներն ուղեկցվեցին երաժշտական և ստեղծագործական համարներով։

Ակցիայի կազմակերպիչներն էին ՌՀՀ Միջազգային հարաբերությունների և հասարակաքաղաքական գիտությունների ինստիտուտը, Համաշխարհային պատմության և արտասահմանյան տարածաշրջանագիտության ամբիոնը և ՌՀՀ Ուսանողական խորհուրդը։