Ռուս-Հայկական համալսարանի հրատարակչությունում լույս է տեսել «Անձի հոգեբանության արդիական հիմնահարցեր. ինքնություն և հարմարում» խորագրով միջազգային գիտագործնական գիտաժողովի նյութերի ժողովածուն։ Գիտաժողովը կազմակերպել էր ՌՀՀ Միջազգային հարաբերությունների և հասարակաքաղաքական գիտությունների ինստիտուտի հոգեբանության ամբիոնը։

Ժողովածուն ներառում է ժամանակակից հոգեբանության արդիական հիմնախնդիրներին նվիրված գիտական հոդվածներ։ Հեղինակների ուշադրության կենտրոնում են անձի զարգացումը, հուզական բարեկեցությունը, միջանձնային հարաբերությունները, հարմարման և ինքնության հարցերը, հոգեբանական անվտանգությունն ու սթրեսային իրավիճակների հաղթահարումը։ Առանձին ուշադրություն է դարձվում նաև թվային տեխնոլոգիաների և արհեստական բանականության ազդեցությանը մարդու վրա, ինչպես նաև կրթության և միջմշակութային փոխգործակցության հոգեբանական ասպեկտներին։

Ժողովածուին կարող եք ծանոթանալ հղումով >>