![research](/uploads/post/banner/1656591661_1656590398_11та.jpg)
- 29 Հու
- 2022
ՀՌՀ-ում Թել Ավիվի համալսարանի հետ համատեղ մեկնարկել է հակամարտությունների թեմայով աշխատաժողով
Միջոցառման բացմանը ողջույնի խոսքերով հանդես են եկել ՀՌՀ ռեկտոր, պրոֆեսոր Արմեն Դարբինյանը, Իսրայելում ՀՀ արտակարգ և լիազոր դեսպան Արման Հակոբյանը և Թել Ավիվի համալսարանի ներկայացուցիչ Նիմրոդ Ռոսլերը։
Հայ-Ռուսական համալսարանում մեկնարկել է «Միջազգային անվտանգություն և հակամարտությունների կարգավորում» թեմայով եռօրյա սեմինար-աշխատաժողովը, որը կազմակերպվել է աշխարհի լավագույն բուհերի տասնյակում ներառված Թել Ավիվի համալսարանի (Իսրայել) հետ համատեղ։
Միջոցառման բացմանը ողջույնի խոսքերով հանդես են եկել Հայ-Ռուսական համալսարանի ռեկտոր, պրոֆեսոր Արմեն Դարբինյանը, Իսրայելում ՀՀ արտակարգ և լիազոր դեսպան Արման Հակոբյանը և Թել Ավիվի համալսարանի ներկայացուցիչ, Հակամարտությունների կարգավորման և միջնորդության միջազգային ծրագրի ակադեմիական ղեկավար Նիմրոդ Ռոսլերը։
![](https://rau.am/uploads/post/editor_image/IMG_20220628_183233_942_1656590444_1656591549.jpg)
Հիշեցնենք նաև, որ ընթացիկ տարվա հունվարին Հայ-Ռուսական համալսարանը և Թել Ավիվի համալսարանը ստորագրել են համագործակցության հուշագիր, որի համաձայն` երկու համալսարանները համագործակցելու են մի շարք ուղղություններով, որոնցից են կրթաթոշակային համատեղ ծրագրերի իրականացումը, ուսանողների և դասախոսների փոխանակման ծրագրերի իրագործումը, մշակութային և գեղարվեստական միջոցառումների ոլորտում փոխանակման հնարավորությունը, համատեղ հետազոտությունների իրականացումը և համատեղ ակադեմիական միջոցառումների անցկացումը: