Հայ-Ռուսական համալսարանի տարբեր բաժիններում սովորող մի խումբ տաղանդավոր երիտասարդներ արտասանեցին Ռուբեն Սևակ, հասկացան նրա բանաստեղծությունը և ներկայացրին: Այսպես ծնվեց «Ռուբեն Սևակ գրական ակումբը» 2022 թվականի հունվարին: Ակումբի մասնակիցները ընթերցում են ոչ միայն դասական գրողներին, այլ նաև՝ մեր ժամանակակիցներին:
   
Հունիսի 12-ին Ակումբն այցելեց Գյումրի, եղավ Ա. Իսահակյանի տուն-թանգարանում: Չնայած անձրևին՝ մասնակիցները եղան տարբեր տեսարժան վայրերում, ասմունքեցին, հիացան քաղաքի բնապատկերներով, գեղեցիկ կառույցներով, դարբինների աշխատանքով: Իջևանելով քաղաքի ակումբներից մեկում՝ նրանք ինտելեկտուալ խաղեր կազմակերպեցին, դաշնամուր նվագեցին, երգեցին ազգային երգեր:

 

ՀՌՀ հայոց լեզվի և գրականության ամբիոն