ՍԵՊՏԵՄԲԵՐԻ 27-ին՝ ժամը 19:00-ին, Նկարիչների միությունում տեղի կունենա «1080 ԺԱՄ» խորագրով ֆոտոպատմության ցուցադրության մեկնարկը:

 

Սեպտեմբերի 27-29-ը ՀՀ Նկարիչների Միությունում տեղի կունենա «1080 ԺԱՄ» խորագրով ֆոտոպատմության ցուցադրություն` նկարահանված 44-օրյա պատերազմի ընթացքում։ Այն արտացոլում է ճակատում անցկացրած ամեն մի օրը, մարտնչողների առօրյան, կենցաղը, ապրեցնելու ակնթարթները, կռվի խաղաղ կողմը:

Ֆոտոպատմության հեղինակն է 44-օրյա պատերազմի մասնակից, ՀՌՀ ուսանող Միքայել Նազարենկոն, ով հենց իր պաշտպանական դիրքերից ամեն օր մեկ ակնթարթ անմահացնելով ստեղծել է «1080 ԺԱՄ»֊ը։

 

Եռօրյա ցուցահանդեսի շրջանակներում առաջին անգամ կցուցադրվի «1080 ԺԱՄ» խորագրով փաստավավերագրական ֆիլմը, որի կադրերի գերակշիռ մասը նկարահանվել է պատերազմի ընթացքում՝ առաջնագծում։ Ֆիլմը նաև ներառում է հետպատերազմական շրջանում նկարահանված հարցազրույցներ պատերազմի մասնակիցների հետ:

Ֆիլմը չի պարունակում դաժան, ոչ մարդասիրական կադրեր՝ պահպանելով ֆիլմին ներկայացվող պահանջները:

 

Նախագիծն իրականցվում է ՀՀ ԿԳՄՍ նախարարության բարձր հովանու ներքո:
Նախագծի աջակիցներն են «ՀՌՀ Ուսանողական խորհրդ»-ը, «Ֆորմիկա Արտ» կազմակերպությունը, «Հայաստանի ազգային կինոկենտրոն»-ը և «Oprint»-ը:
Նախագիծը կազմակերպում է «Ալամեզոն» ընկերությունը «Նկարիչների Միության» հետ համատեղ:

 

✔️Մեկնարկը՝ Սեպտեմբերի 27, ժամը 19:00-ին
✔️Ավարտը՝ Սեպտեմբերի 29, ժամը 16:00-ին
✔️Հանդիպման վայրը՝ Նկարիչների Միություն՝ առաջին հարկի ցուցասրահ (ք․Երևան,Աբովյան 16)
✔️Հեռ. (096) 772 446 // (093) 494 034 // (010) 564 853

 

ՄՈՒՏՔՆ ԱԶԱՏ Է։

FB event-ին կարող եք միանալ այստեղ՝ https://fb.me/e/1BqYk55xU.

 

Նվիրվում է Արցախյան պատերազմի մասնակից բոլոր քաջ հայորդիներին...