Ռուս-Հայկական համալսարանում տեղի կունենա «SemioPolis. քաղաքի լեզուն արվեստի տարածքում» միջազգային գիտաժողովը, որը կազմակերպվում է ՌՀՀ-ի (Միջազգային հարաբերությունների և հասարակաքաղաքական գիտությունների ինստիտուտ, Համաշխարհային պատմության և արտասահմանյան տարածաշրջանագիտության ամբիոն) և Մոսկվայի քաղաքային մանկավարժական համալսարանի (Հումանիտար գիտությունների ինստիտուտ) համատեղ գիտակրթական նախագծի՝ «FORUM GUMANITARIUM»-ի շրջանակներում:

 

Միջոցառումը միջառարկայական երկխոսության հարթակ է դառնալու մշակութաբանների, փիլիսոփաների, սեմիոտիկների, ուրբանիստների, արվեստաբանների, մեդիաոլորտի հետազոտողների և ժամանակակից արվեստի գործիչների համար: Մասնակիցների ուշադրության կենտրոնում է՝ քաղաքի բովանդակային վերաիմաստավորումը որպես բազմաշերտ մշակութային ֆենոմենի:

 

Աշխատանքի հիմնական ուղղությունները.

•    Քաղաքը կինոյում, գրականությունում և նոր մեդիաներում:
•    Արվեստը՝ որպես քաղաքային տեքստի թարգմանիչ և համահեղինակ:
•    Քաղաքային միջավայրի սեմիոտիկա:

 

Ծրագիր և կանոնակարգ.
Գիտաժողովի նիստերի հիմնական օրը 2026 թվականի հոկտեմբերի 13-ն է.

•    11:00 – 12:30 — Հանդիսավոր բացում և պլենար նիստ (ՌՀՀ-ի նիստերի մեծ դահլիճ)։
•    13:30 – 18:00 — Թեմատիկ բաժանմունքների աշխատանք:

 

Գիտաժողովի շրջանակում հոկտեմբերի 12-15-ը նախատեսվում են նաև.

•    Կլոր սեղան՝ «Քաղաքի սեմիոսֆերան. դասական կանոնից մինչև AI-նարատիվներ և փաբլիկ-արտ»։
•    Առցանց բաժանմունքի հեռակա նիստեր՝ արտասահմանյան հետազոտողների մասնակցությամբ:
•    Մշակութային ծրագիր։

 

Նստաշրջանի աշխատանքին կմասնակցեն Հայաստանի, Ռուսաստանի, Հունգարիայի, Չինաստանի և այլ երկրների բուհերի ու ակադեմիական կենտրոնների առաջատար գիտնականներ և հետազոտողներ: Գիտաժողովի արդյունքներով՝ զեկույցների նյութերը երաշխավորվելու են տպագրության ՌՀՀ-ի գրախոսվող գիտական պարբերականներում (Urbis et Orbis, Perspectiva Temporis):

Մասնակցության ձևաչափ՝ առկա և հեռակա (առցանց): Ծրագրին կարող եք ծանոթանալ այստեղ >>