Սեպտեմբերի 9-ին Հայ-Ռուսական համալսարանի Կապույտ դահլիճում ՀՌՀ թվային առողջապահության կենտրոնի ղեկավար, Դեգենդորֆի համալսարանի (Գերմանիա) պրոֆեսոր, ԱՀԿ փորձագետ, Թվային առողջապահության հայկական ասոցիացիայի հիմնադիր և նախագահ Գեորգի Չալտիկյանը վարպետության դաս անցկացրեց։

 

Վարպետության դասի թեման էր՝ «Թվային առողջապահությունը որպես բժշկության ապագա»:

 

Պրոֆեսոր Չալտիկյանը պատմեց թվային առողջապահության և ոլորտի հնարավորությունների մասին, մասնակիցներին ներկայացրեց մասնագիտության հեռանկարները։ Հանդիպման ընթացքում մասնակիցները ծանոթացան նաև ՀՌՀ «Թվային առողջապահություն» նոր, եզակի մագիստրոսական ծրագրին, որն այժմ ընդունում է իր առաջին ուսանողներին։ Ծրագիրն իրականացվում է ՀՌՀ-ի և Դեգենդորֆի տեխնիկական համալսարանի համագործակցության շրջանակներում։ Այս ծրագրի ուսանողները հնարավորություն կունենան սովորել Գերմանիայում և ստանալ եվրոպական դիպլոմ։ 

 

Ծրագրի մասին ավելի մանրամասն կարդացեք այստեղ >>