Հայ-Ռուսական համալսարանի պատվիրակությունը մասնակցեց օգոստոսի 21-25-ին Նիդեռլանդական Լեյդենի համալսարանում տեղի ունեցած Իրանագետների եվրոպական միության(Societas Iranalogica Europea) X միջազգային համաժողովին:

 

Արևելագիտության ինստիտուտի պրոֆեսոր Վիկտորյա Առաքելովան համաժողովին հանդես եկավ իր ''The Talishis in Iran and Azerbaijan Republic: Identify Transformation in the Light of Nation-Building Policy՛՛ զեկույցով, իսկ Արևելագիտության ինստիտուտի ասպիրանտ Գոհար Հակոբյանը ներկայացրեց ուսումնասիրություն Դերսիմ տեղանվան վերաբերյալ:

Նշենք, որ 1983թ Հռոմում ստեղծված Իրանագետների եվրոպական միության նպատակը ակադեմիական իրանագիտության զարգացումն է բոլոր բնագավառներում՝ լեզվաբանության, պատմության, կրոնագիտության, ազգագրության և այլն:

Չորս տարին մեկ Իրանագետների եվրոպական միությունը կազմակերպում է համաժողով Եվրոպայի հայտնի համալսարաններից որևէ մեկում: Այս միջոցառումները համարվում են տարբեր երկրների հարյուրավոր գիտնականների համախմբող հեղինակավոր հարթակներ: Գրեթե քառորդ դար է՝ 1999թ-ից սկսած, միության անդամներ են նաև հայ իրանագետներ՝ ՀՌՀ արևելագիտության ինստիտուտի տնօրեն Գառնիկ Ասատրյանը և պրոֆեսոր Վիկտորյա Առաքելովան:

Ավանդաբար Իրանագետների եվրոպական միության համաժողովի շրջանակներում անցկացվում են նաև եվրոպական հայտնի հրատարակչությունների՝ Brill Publishers, Peeters, Edinburg University Press, ցուցահանդեսները: 

 

 

 

Թարգմանեց՝ Թամարա Նազարյանը

(՞Լրագրություն", 3 կուրս)