Մայիսի 25-ին՝ ժամը 16:30-ին, ՌՀՀ-ի Մեծ կոնֆերանս դահլիճում (նոր մասնաշենք, VI հարկ) կկայանա կլոր սեղան՝ «Տնտեսական աճի էկզոգեն և էնդոգեն գործոնները նոր աշխարհաքաղաքական իրողությունների պայմաններում» թեմայով։

 

Մոդերատորն է ՌՀՀ տնտեսագիտության և ֆինանսների ամբիոնի վարիչ, տնտեսագիտության դոկտոր, պրոֆեսոր Մարիամ Ոսկանյանը։

 

Հիմնական բանախոսներն են՝ տնտեսագիտության դոկտոր, պրոֆեսոր Ալեքսանդր Շիրովը, ՌՀՀ ռեկտոր, տնտեսագիտության դոկտոր, պրոֆեսոր Էդվարդ Սանդոյանը, տնտեսագիտության դոկտոր, պրոֆեսոր Մարիամ Ոսկանյանը և տնտեսագիտության թեկնածու, դոցենտ Անի Գալստյանը։

 

Նշենք, որ կլոր սեղանը կազմակերպվում է ՌՀՀ տնտեսագիտության և ֆինանսների ամբիոնի կողմից՝ ՀՀ ԿԳՄՍ նախարարության Բարձրագույն կրթության և գիտության կոմիտեի ֆինանսական աջակցությամբ իրականացվող «Հայաստանի Հանրապետությունում տնտեսական աճի էկզոգեն և էնդոգեն գործոնները նոր աշխարհաքաղաքական իրողությունների պայմաններում» գիտական նախագծի շրջանակում (Գիտական նախագիծ № 24SSAH-5B004)։