Հայ-Ռուսական համալսարանի պատվիրակությունը ռեկտոր, տնտեսագիտության դոկտոր, պրոֆեսոր Էդվարդ Սանդոյանի գլխավորությամբ մասնակցություն ունեցավ Ելցինի անվան Ղրղզ-Ռուսական Սլավոնական համալսարանի 30-ամյակին նվիրված հանդիսավոր միջոցառմանը, որը տեղի ունեցավ Բիշքեկում հոկտեմբերի 11-ից 13-ը։

 

ՀՌՀ պատվիրակության կազմում էին միջազգային համագործակցության գծով պրոռեկտոր Սերգեյ Կապինոսը, ռեկտորի անձնակազմի վարիչ, ռուսաց լեզվի և մասնագիտական հաղորդակցության ամբիոնի ավագ դասախոս Սերինե Միսիսյանը, կրթական քաղաքականության և կրթության որակի վերահսկման վարչության պետ Ռուզաննա Հայրապետովան։

Հոկտեմբերի 12-ին մասնակիցները հավաքվեցին «Սլավոնական համալսարան - 2050 հեռանկարներ և առաջնահերթություններ» պանելային քննարկմանը և անցկացրին «Ռուս ազգային համալսարանները՝ ԱՊՀ երկրներում կրթության և գիտության ինտեգրման կամուրջ» միջազգային գիտագործնական համաժողովը։ 

Միջազգային գիտագործնական համաժողովը լավ հարթակ դարձավ ԱՊՀ երկրների միջև կրթության և գիտության ինտեգրման գործընթացի խնդիրների և հեռանկարների համակողմանի քննարկման համար։ 

Նշենք, որ հոբելյանական միջոցառումների նպատակն է բացահայտել 1993 թվականին Ղրղզստանի և Ռուսաստանի կառավարությունների որոշմամբ ստեղծված բուհի գործունեության արդյունքները նրա գոյության 30-ամյա պատմության ընթացքում և որոշել զարգացման հեռանկարները։

 

 

 

Թարգմանեց՝ Արուս Մելիքյանը
("Լրագրություն", 3 կուրս)