Սեպտեմբերի 29-ին իրանցի հայտնի պատմաբան և քաղաքագետ, Իրանի նորագույն պատմության ինստիտուտի տնօրեն դոկտոր Հոսեյն Ահմադին դասախոսություն կարդաց Հայ-Ռուսական համալսարանի ուսանողների համար «Սյունիքը մեծ տարածաշրջանի աշխարհաքաղաքականության համատեքստում» թեմայով։ 

 

«Դոկտոր Հոսեյն Ահմադին ծանոթ է տարածաշրջանում տիրող իրավիճակի նրբություններին ու նախապատմությանը: Մենք կարևորում ենք, որ մեր ուսանողները ուսումնասիրեն տեղի ունեցող իրադարձությունները»,- նշել է Արևելագիտության ինստիտուտի պրոֆեսոր Վիկտորյա Առաքելովան: 

Նրա խոսքով, այս ձևաչափի դասախոսություններն անհրաժեշտ են, քանի որ դրանք հստակ ցույց են տալիս երկրում տեղի ունեցող գործընթացները։ Դոկտոր Հոսեյն Ահմադիի դասախոսությունը վերածվեց քննարկման, քանի որ բազմաթիվ հարցեր կային ուսանողների և հյուրերի կողմից:

«Նման մեծ հետաքրքրությունը պայմանավորված է հետագա գործողությունների կառուցողական ուղիներ գտնելու և երիտասարդների համար հեռանկարներ նախանշելու անհրաժեշտությամբ»,- ընդգծել է Վիկտորյա Առաքելովան։

Նշենք, որ դոկտոր Հոսեյն Ահմադին դասախոսությունը կարդացել է պարսկերենով (հայերեն թարգմանությամբ):

 

 

 

Թարգմանեց՝ Արուս Մելիքյանը
("Լրագրություն", 3 կուրս)