XII Եվրասիական ուսանողական օլիմպիադայի՝ վերլուծական տնտեսագիտության և կանխատեսման ուղղությամբ եզրափակչի արդյունքներով ՌՀՀ ուսանողները հաղթել են «ԵԱՏՄ երկրների միջև տնտեսական համագործակցության համակարգային վերլուծության համար» անվանակարգում։ Օլիմպիադան անցկացվել է մարտի 2-ին Բելառուսի Հանրապետության Ազգային բանկի ուսումնական կենտրոնում։

Եզրափակիչ փուլը համախմբել էր Ռուսաստանի, Բելառուսի, Ղազախստանի և Հայաստանի առաջատար բուհերի ուսանողների։ ՌՀՀ-ն ներկայացրել են «Տնտեսագիտություն» ուղղության III կուրսի ուսանողներ Տիգրան Հարությունովը, Տաթև Հարությունյանը, Մարիամ Հովհաննիսյանը և Մարիետա Բորջյանը։

 

ՌՀՀ թիմի մենթորն էր տնտեսագիտության և ֆինանսների ամբիոնի վարիչ, պրոֆեսոր Մարիամ Ոսկանյանը։

Նշենք, որ օլիմպիադայի կազմակերպիչը Բելառուսի պետական համալսարանի տնտեսագիտական ֆակուլտետն էր։