Հոկտեմբերից դեկտեմբեր Ռուս-Հայկական համալսարանում կանցկացվի հոգեբանությանն ուղղված գործնական հանդիպումների շարք՝ վարպետության դասեր և սեմինարներ, որոնց ընթացքում հնարավոր կլինի ոչ միայն լսել, այլև փորձարկել, ուսումնասիրել և ավելի լավ հասկանալ ինքներս մեզ ու ուրիշների հետ մեր հարաբերությունները։

Ծրագրում ներառված են հույզերի, մարմնի, հարաբերությունների և անձնական սահմանների հետ աշխատանքի տարբեր գործնական մեթոդներ և գործիքներ.

•  Սիրո և մտերմության հոգեբանություն — զգացմունքների, հարաբերությունների և ուրիշների հետ կապ կառուցելու մասին։
•  Կապը սեփական անձի և մարմնի հետ — մտքերի, հույզերի, մարմնական զգացողությունների և ինքն իրեն լսելու կարողության մասին։
•  Արտ-թերապիա և հեքիաթաթերապիա — ստեղծագործության և պատկերների միջոցով ինքնաճանաչման գործնական մեթոդներ։
•  Էմոցիոնալ այրում — ինչպես ճանաչել դրա վաղ նշանները և ժամանակին ուշադրություն դարձնել սեփական հոգեվիճակին։
•  Համակարգային դասավորումներ — ծանոթացում մեթոդին և դրա կիրառման հնարավորություններին։
•  Հոգեբանական սահմաններ — սեփական անձի և ուրիշների հետ առողջ կապ կառուցելու մասին։
•  Կախվածությունների հոգեբանություն — կախված վարքագծի մեխանիզմների և սեփական անձի ու շրջապատի հետ հարաբերությունների մասին։
•  «Ցանկությունների պլանավորում» — ծրագրի եզրափակիչ տոնական գործնական հանդիպումը, որը հնարավորություն կտա կանգ առնել, վերանայել սեփական նպատակները և տրամադրվել նոր տարվան։

Բոլոր հանդիպումները կանցկացվեն շաբաթ օրերին՝ ժամը 11:30-ից 14:30-ը։ Կարող եք ընտրել մեկ կամ մի քանի հանդիպում՝ ձեր հետաքրքրություններին համապատասխան։

Մասնակցությունը վճարովի է։ Տեղերի քանակը սահմանափակ է, անհրաժեշտ է նախնական գրանցում։

 

Գրանցում՝ ՌՀՀ կայքում >>