Հայ-Ռուսական համալսարանի ռեկտոր, ՀՀ և ՌԴ տնտեսագիտության դոկտոր, պրոֆեսոր Էդվարդ Սանդոյանն հունիսի 29-ին ընդունել է Ռուսաստանի Դաշնության «Տնտեսագիտության բարձրագույն դպրոց» ազգային հետազոտական համալսարանի «Դիզայնի դպրոց»-ի (Школа дизайна НИУ ВШЭ) ներկայացուցիչներին:

ՀՌՀ-ում կայացած աշխատանքային հանդիպման ընթացքում կողմերը քննարկել են «Հաղորդակցության դիզայն» (Коммуникационный дизайн) բակալավրիատի ծրագրի հետ կապված ռազմավարական հարցեր։ 

Հանդիպման արդյունքներով ձեռք են բերվել մի շարք պայմանավորվածություններ։ 

Հիշեցնենք, որ շարունակվում է ընդունելությունը Հայ-Ռուսական համալսարանի և Ռուսաստանի Դաշնության «Տնտեսագիտության բարձրագույն դպրոց» ազգային հետազոտական համալսարանի «Դիզայնի դպրոց»-ի «HSE ART AND DESIGN SCHOOL INTERNATIONAL» նոր ուղղության շրջանակներում ՀՌՀ-ի հենքի վրա հայտարարված «Հաղորդակցության դիզայն» բակալավրիատի ծրագրի համար`
- 4 տարի,
- Պետական նմուշի երկու դիպլոմ (ՀՌՀ և НИУ ВШЭ), 
- Առկա ձևաչափով ուսուցում,
- 50 կոմերցիոն տեղեր,
- 1.800.000 դրամ/տարեկան,
- Ուսուցումը՝ ռուսերեն լեզվով:

 
Փաստաթղթերն ընդունվում են մինչև օգոստոսի 18-ը,
Առկա է նաև փաստաթղթերն առցանց ուղարկելու տարբերակ` https://mmis.rau.am/ 
Ավելի մանրամասն` https://designschool.am/